كـتـاب ألموقع

لا تاخذون "غيبة"... الفاسدين ! -//- د. مزاحم مبارك مال الله

لا تاخذون "غيبة"... الفاسدين !

د. مزاحم مبارك مال الله

جا انت عليمن متردد وخايف ؟

أشو تحجي عليهم بكلبك ..

وتنتقدهم بلسانك ...

وفاضحهم لمن تكعد بالكيّة ..

ومخزيهم بدائرتك وبيتك ..

وضايج من كل الوضعية ..

وتسب الحرامية والمحاصصة الطائفية ليل ونهار ..

جا شمالك من توصل لصندوكك الانتخابات.. تتليش؟!

شبيك يا لشريف ،شبيك يا لوطني ،شبيك يا لغيور، شبيك يا لنشمي

وانتِ ،يانخلة الوطن ،أشبيج ما تلفين عباتج وتصيحين:

" ها خوتي ... ها

عيب عل الوادم ترضى بالذلة

وعيب عل الشعب يتقسم عل المِلّة

وعيب عل العراقي ما ينتخب العدلة "

خواتي وخواني .. لازم أنصير بوجه واحد موش بوجهين،

ما يصير "ناخذ غيبة الفاسدين" ، أحنة أحسن منهم ونكول العدل وبصوت عالي ، ما نريدكم ولاننتخبكم ـ

وما نحبكم ولانحب دكايكم ـ

صارلكم جم سنة بمجلس المحافظة ، بلله شسويتوا للناس؟

بنيتوا مدرسة؟ مستشفى؟ ،شغلتوا معمل؟وظفتوا الوادم ؟ رجعتوا الكهرباء؟

لو كلها لأبن عمك ,وابن أختك !!

شو أنتو من صفحة ،والبرلمان من صفحة ،المفخخات والكتل السياسية والكونكريتية من صفحة ،جا شوكت هل الشعب يرتاح وبستقر ويتقدم؟

آنه أكللكم شوكت الشعب يرتاح .. من تشيل "الكتل" هذا الوهم ،هذي التمثيلية مال الخطر الطائفي ،عود يلله نرتاح ،

ها وخلي أكللكم .. تره هذا الخطر الطائفي بس هم يحسون بيه ، لأن هم ّ مسوينه !

د. مزاحم مبارك مال الله / مرشح قائمة العدالة والديمقراطية العراقي ـ 422