كـتـاب ألموقع

شَطحِةْ قلب...// سيمون عيلوطي

سيمون عيلوطي

 

عرض صفحة الكاتب 

شَطحِةْ قلب...

سيمون عيلوطي

 

يا حِلْم لا تْسافِر

عَ النَّدى بكِّير

قلبَك مَصيرو بالهوى

واقِع

هَالقلب شو بِيْزيد

طيشو كْثير

سارِح عَ كيفو

في المَدى الواسِع

وِيْهيم فِ الشَّطحات

عامِل زير...

عَ المَفارِق صايِع...

ضايِع

تِسحَبو موجات هَالتَّعتير

عا صدى صوتو

الرَّاجِع

وين بِدُّو يْرِف

بِدُّو يْطير...

وِيْروح صوب خَيالو

الخالِع،...

يْحِب رسمو ال شايفو

 فِ البير

نَرجَسي.. لَـــ نَفْسو

خاضِع

 يْهِب عَ الدِّيرِه مِثْل

الزَّمهَرير

 عروش من مَطرَحها

قالِع

وْما تِسلَم خُشِّةْ فَقير

وِالشَّجر وِحقول لِمْزارِع

هَالغَني بِيْطَيِّرو مع

هَالأجير

قَدِّيش مِنُّو عم بِنازع

مهما يُبطُش في العِباد

كْثير

لَـــــ التُراب مَصيرو

راجِع ...!!