كـتـاب ألموقع

صافي النّغّم..! -//- شعر: سيمون عيلوطي

صافي النّغّم..!

سيمون عيلوطي

(إلى مطرب المطربين، وديع الصّافي)

صوتك يّ "صافي"...

في الصّفا بِِيْدور

أنْعم من النّسمات

عَ المنثور

أغمق من اللولو

في قَّلْب البُحور...،

وْأعلى من "صنّين والجرمق"

يْردّد صداها...

يِعْكى هَالعصفور!

***

عَ البال يا "صافي"....

بَِنغْمات الطّرب

موّال وافى الفن

موسيقى وْأدب

بتظل غنوِة حُبّ

فِ بْلاد العرب

"بتحن كل ما عتقت...

وْمِثْل القصب"

صار "المُعنّى" بْنورْها

مسحور!

***

صافي إنِت يا مِبْدع

النّغمِه

تْصوّر بلحنك

معنى للكلمِه

زَهْر البنفسج فاح

والنّجمِه

تُرقص عَ صوتك

تُسبق النّسمِه

تْخلّي الهنا في جَوْنا..

منشور!