كـتـاب ألموقع

رُجوع ...// سيمون عيلوطي

• 

تقييم المستخدم:  / 0

سيئجيد 

المجموعة: سيمون عيلوطي

تم إنشاءه بتاريخ الأربعاء, 04 تشرين2/نوفمبر 2015 16:20

كتب بواسطة: سيمون عيلوطي

الزيارات: 1853

الموقع الفرعي للكاتب

رُجوع ...

سيمون عيلوطي

بْرجعِة توفيق الفيّاض*

شعّت نَجْمات الإبداع

وشو فَرْفَح وَرْد الرّياض

كِلْماتو صارت تنذاع

***

بعد الغربِة والتّشريد

وعيشه مليانِه بالهم

قضّاها عن ربعو بْعيد

أهوَن منها طَعْم السّم

شوقو عَمّـالو بِيْزيد

ممنوع حتى مِ الحِلْم

غير الحَسرة والتّنهيد

بالغربِه هيكي ما لَم

ما لاقى غير التّهديد

ما برجع بَرّ وْلا يَم

بِدّو الحاكِم تِبقى بْعيـد

منفي بالبَرْد وْبِالحَم

إصرارك مش راح يفيد

لا تعيّش نفسك بالوهم

دربك مسدودِه بْحديد..

أخفوها فِ مْواج العَتْم،

شُفتك صامد ما بتحيد

شامخ شو تكبر بالعَزْم!!

***

قُلْت ارْجَعلك يَ بْلادي

أكتب من عِطْر النّوار

شوقي للطّير الشّادي

لَهْلي، لَبْحور الأشعار

للمرجِه،النبعه،الوادي

للناس الْ مِثْل الأقمار

لَقْلامي وْجوّي الهادي

للذّكرى الْ بِقيَت بالدار،

رْجوعَك إشي مش عادي

تَرْكَت لِعْشوش الأطيار

تْغنّي "عَاليادي اليادي"

تِنْعَف قدّامك أزهار...

تْرفرِف حولك وِتْنادي

أهلاً بِرْجوع الأحرار

* توفيق فيّاض، كاتب فلسطيني، أبعد 41  عامًا عن وطنه  قصرًا، ثم عاد إليه مؤخرًا بعد إجراءات قانونيّة طويلة.

• < السابق
• التالي >