كـتـاب ألموقع
انه ما ابيع الحجي, بس اشتري// عباس طريم
/ 0
- المجموعة: عباس طريم
- تم إنشاءه بتاريخ الخميس, 19 أيار 2022 20:02
- كتب بواسطة: عباس طريم
- الزيارات: 1438
عباس طريم
انه ما ابيع الحجي, بس اشتري
عباس طريم
انه ما ابيع الحجي , بس اشتري
ومن جميع القال والقلنا
بري
+
من يجي الثرثار , ويحش بالجميع
انه اكون ابصمتي وبصنتي
ثري
+
ومن يغوصون ابحديث الافتراء
ما اشارك بالحديث
وافتري
+
وما اداهن رجل , يطعن بالظهور
لان يوم ويجي , ويطعن
بظهري
+
انه مثل الماي , اليطفي الحريق
الناس محضر خير , تعرف
محضري
+
ومن اقدم شعر , اختار الجميل
والتحبه الناس كله
ابمذخري
+
وما اقدم بايت , لاذن الضيوف
انه اقدم الهم , الرايج
والطري
+
الناس تقره الوجه , وتعرف الرجال
وانه ربعي اوجوهم ما
تنقري
+
هواي شفت اوجوه غبره املونات
ما كدر يكشف كناها
مجهري
+
امنين اقره , اليحجي بالحك والاصول
وفعله يشبه رجل سادي
اوبربري
+
للاسف بالغيب , ما عندي اطلاع
والذهب ميعرفه غير
الجوهري
+
لانه سقراط , واميز كل خبيث
ولانه شاعر فحل مثل
البحتري
+
واليميز الناس , لابد ان يكون
عالم ابعلم الفلك , لو
عبقري
+
وانه رجال -ن , على كدي اوبسيط
والمؤهل , اني كاتب
شاعري
+
ما اميز الجذب , من صدج الكلام
ان حجاه ابدوي او كاله
احضري
+
انه احب خط , اسمه خط المستقيم
وخط الاعوج , هذه خط
الازعري
+
انه كل عمري احافظ عالصديق
وارتديه محبس واحطه
ابخنصري
+
انه مو ذاك الطلع , ويه العكيد
وبالمسلسل جان دوره
الدعشري
+
ان جان معصر صاحبي , ينتج سموم
الطيب والريحان ينتج
معصري
+
حاولت اتغير , والبس قناع
وامشي وي الناس موش
ابمظهري
+
ورفضت الروح المشي ابهذه الطريج
وعاتبتني , وكلت ياروح
ابشري
+
ماهو دربي , وما يشرفني امشي بيه
وما اصدك كيف يصبح
منظري
+
وانه الانصح بالمشي ابدرب الصلاح
واعتبر هذه المشي البيه
مفخري
+
ما طعنت ابصاحب , وخنت ابصديج
ودرب اليبيض الوجه اشريه
شري
+
ابقه احافظ عالصفات الطيبات
حته لو دنياي تهريني
هري
+
وما اعاشر نذل , ويسود الوجوه
حته ما توصل نجاسه
المعشري
+
ومن اناقش , بيدي حكمه وطول بال
وما اهوس بيد , وارمي
ابوروري
+
انه احب الناس كلهه ابلا حدود
وما احب ينكال عني
عنصري
+
ولو يسرني الصاحب ابسره الاكيد
يصير سره ابمأمن وما
ينطري
+
يوم ينخاني الرجل , ابشر اكول
ولو اخت تنخاني اكللهه
ابشري
+
ما ارد طارق ورب السارقات
وما اكل لم حاجه , روحي
اتيسري
+
انه واضح , مثل خط المستقيم
واصفه من مي المقطر
جوهري
+
وما اخون الصاحب ابكل الظروف
حته لو وصلت اوكصو
منحري
+
من صديجي , لو شفت فعل -ن مشين
وحزمتني الروح , اكللهه
استري
+
ولو حصل من صاحبي زلة لسان
ارجع الروحي واكللهه
اغفري
+
لمحور الشر والرذايل , ما اميل
الطيب والاخلاص والحب
محوري
+
انه عايش صوره في هذه الزمان
وعكلي عايش بالزمان
السومري
+
البيه الناس اتدور الصيت الجميل
وعالكرم تتسابق اوتجري
جري
+
راح ذاك الزمن , بس اني بقيت
مفتح وخاوي ويصوصي
متجري
+
صوتي خافت , ما يسمعونه العباد
وماكو جلاس لتواكب
منبري
+
عالرصيف , اعرض بضاعه الما تبور
ولليريد الزود فاتح
جنبري
+
انه صوت الاستقامه الما تموت
ياسماء العدل كومي
وكبري
+
ليش للباطل تدك الموبقات
وبيهه المسودن يبيع
ويشتري
+
وليش دنيانه انحنت لهل النفوس
الضيكه , واختارت رياح
السامري
+
وقدمتله الكاس وانواع الشراب
وكالت اشرب من ملذاتي
مري
+
ما تنولين النصر بالاحتيال
النصر حك الخير, يادنيه
اصبري
+
لا تجافين الشهم وابن الحلال
الله بالمرصاد يادنيه
احذري
+
ولا تخاوين النذل , وابن الحرام
هواي اخطيتي , حرام
اتكرري
+
الله حذرنه من النار السعير
نار لا تعرف فقير , ولا
ثري
+
اتقبلي من شاعر ايحب العتاب
وسجلي يادنيه عني
وانشري
+
انتي ما انصفتي , كل حر وامين
ورحتي خاويتي الردي , لا
تنكري
+
كولي اخطيت وشفت درب الصواب
والخطأ وارد , وكومي
اتعذري
+
اليوم احط كل النقط فوك الحروف
وهذ تذكيري الج
لا تعثري
+
انه ما غيرت خطي , ابهالحياة
ان جان في ماضي العهد , او
حاضري
+
وزرعي باقي ابخير ويذكر الجميع
وكل حصاد اليمر يكبر
بيدري
+
ما ابدل درب , طرزته ابحرير
وما ابيع اسمي ابمال - ن
قيصري
+
الحرمه الجبار , ما اسأل عليه
ربي ادبني واصلح
مبصري
+
اسست معبر , لكل الطيبات
وربي بارك كل جهود
ابمعبري
+
وعشت بالغربه , وزرعت الطيبات
ورحت اسكي الكاع واكريهه
كري
+
حته كلهه اتكول , بيهه الدنيه خير
وعني ميكولون دوني
اوسرسري
+
المتواجون الان
301 زائر، ولايوجد أعضاء داخل الموقع
