كـتـاب ألموقع

الصديق الشيطان// عباس طريم

• 

تقييم المستخدم:  / 0

سيئجيد 

المجموعة: عباس طريم

تم إنشاءه بتاريخ الأحد, 14 حزيران/يونيو 2020 10:47

كتب بواسطة: عباس طريم

الزيارات: 1881

عباس طريم

عرض صفحة الكاتب 

الصديق الشيطان

عباس طريم

الصديج الي يطعنك  بالظهر كل يوم  ..   ومن تجبل عليه  ايبوسك  ابخدك

ويشوه  سمعتك , هيجي دون اسباب  ..  وشايل دوم  رايات الحرب  ضدك

وباء اوشر , اذا كضك  تعلك بيك        .. ومن الصعب مهما اتحاول , ايهدك

هذه  العدو ابعينه , لا تظن فد يوم      .. من  تنخاه  ايكلك ,  صاحبي  عدك

وده اتصير  ناصي  وبالحفر  يلكاك  ..  وانته , ايصير اعله من النجم  ودك

المشاكل يشتريهه وهيه جوه الكاع   ..   ومن تحمه  الحديده   يلبد  ابسدك

موصاحب , اذا شافك ابنص الضيج ..    يتعذر  ويمشي   ويتركك    وحدك

دوني , وهوه يعرف من تقاس الناس ..  ابميزان الخلق والشرف , مو ندك

لو يركض نهار وليل , ليل انهار     ..  كل عمره ,   ابد ما يوصل    الحدك

الشرف موعنده , ياما خان بالخوان ..  الغيره والرجوله  والشرف , عندك

ما معروف  جزره , ومده ما معروف ..وانته البحر , واضح  جزرك اومدك

يخلط  بالهزل  جده , ويجرحك بيه    .. وانته الطيب كله ,  ابهزلك  اوجدك

كريم انته اوصبوح , اوهوه وجه البوم .. بخيل , ولو تعنيته  ابطلب ,  ردك

انته  الخير, متقدم عله الشر دوم   ..   من هالمنطلق ,  هوه  اليجي   بعدك

اتضحيله ابحياتك , ما تفيد  اوياه  ..    وهوه ايظل هذاك ,  اليشتغل   ضدك

ولك يالخالي , لا من مستحه ولا ذوق.. بالسوري ارد اكلك  [ألي شو بدك ؟ ]

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

• < السابق
• التالي >