كـتـاب ألموقع

ليلة عرس ...!// عبد الرضا المادح

تقييم المستخدم:  / 1
سيئجيد 

عبد الرضا المادح

 

عرض صفحة الكاتب 

ليلة عرس ...!

عبد الرضا المادح

 

بليله ظلمه

دوروا كل الدرابين الزغيره

دكَدكوا ...

وهدّدوا ...

ومالكَوا غير الشعارات الجبيره

معلكَه علْ الحيطان

بخيوط الحصيره

رَسْمة دموع الفِلح

جنها وطن

مدري ظفيره ،

ولنها غفله

او وسوس الخاين ضميره :

هناك بالتنور

تلكَون البيانات الخطيره !

وجرجروا زلمتنه النجر

 للمشنقه !

فرحان جن ليلة عرس

يهلهل ... يهلهل...

وهلهلن نسوان الطرف

وشرِّعن بيبان الفقيره

وصاحت الديره            

 ياشهم ...!

دير بالك عثرة جدامك

خطيره !

ومن تسيح

من الكصه كطره

لا تظل عدنه كرامه

وتدري هاي اكبر شهيره !

ورد يهلهل ...

وشالته زنود المشانق

للسمه

نجمة كحيل مكحّله

تنثر فرح

على جفون الزغار

النايمه بليـّه عشه !

تتنطر اميره !

 

* أميرة ، رمز للفرح ، الثورة

* القصيدة اهداء الى شهداء العمل السري.

عبد الرضا المادح

2020.07.09