كـتـاب ألموقع
غـربــه// ميسون نعيم الرومي
/ 0
- المجموعة: ميسون نعيم الرومي
- تم إنشاءه بتاريخ الأربعاء, 05 كانون2/يناير 2022 19:30
- كتب بواسطة: ميسون نعيم الرومي
- الزيارات: 1713
ميسون نعيم الرومي
غـربــه
ميسون نعيم الرومي
غربه بيك اونبقه غربه - شوگ حسره اوهم حنين
اشگد عزيز اوانت كلشي - انت قبله وانت دين
هم اجيتك .. ما لگيتك - گلبي عندك ظل رهين
عيني ليك اودوم تربي - ابإذني صوتك چن رنين
روحي چنهه اطوير طاير- ايحومي تايه مـِنْ سـِـنين
ادموعي وآنه اشگد بچينه - ابگلبي حـُبك چن ونين
هذا عمري كلـَّـه ينزف - لكن انت اشگد ضنين
ليل طوَّل صبحه ضايع - وآنه اعدَّن بالسنين
روحي طاحت ضيعتهه - إنت وينك .. گلي وين؟
عمري عمرك ما يـِـضـَوَّن - ياگـمـر ليـلي ســـــجـيـن
البـِعـِـد دولبـنـه كافـي - اشبعنه يحبيب سحين
الحزن .. محزونه روحي - *(مو حزن لكن حزين)-
غربه بيك اونبقه غربه - غربتي ابروحي حنين
وانت رايح .. گلي وين؟
يا وطن .. گلي وين؟
-------------------
(مو حزن لكن حزين)- العجز يعود الى شاعر العراق مظفر النواب
------------------
3 / كانون الثاني / 2022
ســـتوكهولم