كـتـاب ألموقع
بـَـسـّـچ تـِـرِفـيـن// ميسون نعيم الرومي
- المجموعة: ميسون نعيم الرومي
- تم إنشاءه بتاريخ الجمعة, 07 نيسان/أبريل 2023 19:29
- كتب بواسطة: ميسون نعيم الرومي
- الزيارات: 1292
ميسون نعيم الرومي
بـَـسـّـچ تـِـرِفـيـن
ميسون نعيم الرومي
بسچ يعيني اوبسچ ترفين
نترجه الفرح وانتي تحذرين
خلصتي العمر بالحسره والآه
مل منـّه الصبر وانتي تعرفين
واجروح الگلب ملچومه الجروح
واخبار التجي تشعل چوانين
***
تعبنه الوگت وانتي تشهدين
ندور بالدرب او نرتجي الماشين
بس الحزن داير علينه ايدور
نتأمل نظل والأمل رايح وين
نتباوع للسمه والعين تربي دوم
هلبت علينه تحن تذكرنه واتعين
***
چا شنهي الذنب نتعاقب اوليش
باديار الغرب طشينه اللسنين
خجلان الدمع يترجه بالعين
من ترمش تظل ! لتصير شطين
مهضومه هضم وامحمـّـِله اهموم
من زغري اون يادنيه ليوين
***
اضحك چذب والگلب لهبة نار
ضلع واحد (يصل) واليوم ضلعين
ياجرح الچبيرابروحي محفور
جرح واحد گبل واليوم جرحين
بسچ يعيني اوبسچ ترفين
نترجه الفرح وانتي تحذرين
------------------------------------------
نيسان / 2023
سـتوكهولم
المتواجون الان
1264 زائر، ولايوجد أعضاء داخل الموقع