اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

كـتـاب ألموقع

صديقتي مديحة لازال في العمر بقية// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة

صديقتي مديحة عبد الرزاق الزبيدي

لازال في العمر بقية

ميسون نعيم الرومي

 

يا مديحه .. يا مديحه

يا وجع روحي المنشتل

يا دمع عيني المابطل

يا عطر ورد الربيع

يا نبع دجله اوالفرات

يا نخل كل العراق

يا شعاع الأعظميه

يالوفه اوطعم الحنين

آنه ادور .. وانتِ وين ؟

شكتب آنه اوشرد اگول

غفله رحتي ابلا وداع

ابعيني انت .. اشلون رحتي؟

كلشي راح او كلشي ضاع

بالوطن صاحوا مزاد

حكموا اوغاد البلاد

يا مديحه...

گلتي ردي ..

كافي غربه ..

كافي تعبنه الونين

جارت اعلينه السنين

يا صديقة عمري ويـن

والوعـَد .. يحبيبه ديـن

يالوعدتي..

اوما تنيتي !

يا مديحه .. اويا مديحه

وينچ انتِ او وينه فيـّچ

ابلحظه غبتي اوراح ضيچ

ظلمه بعدچ .. يا حسرتي

والوطن يبچي حزين

حبيبه .. تعبنه الحنين

بعدچ آنه انكسر ظهري

لاگمر ظل .. لانجوم

صرنه نحصد بس هموم

يا مديحه .. ياللي رحتي

يا صديقه اويا صدوقه

گلتي ردي واتفقنه

غفله رحتي..

اوما تنيتي

يا مديحه .. وانتِ وين..

وآنه .. وين..

يا .. مديحه..

-------------------

11 / كانون الثاني/ 2019

ســـتوكهولم

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.