كـتـاب ألموقع

دارميات بمناسبة عيد الحب (فالنتين)// ميسون نعيم الرومي

• 

تقييم المستخدم:  / 0

سيئجيد 

المجموعة: ميسون نعيم الرومي

تم إنشاءه بتاريخ السبت, 15 شباط/فبراير 2020 11:15

كتب بواسطة: ميسون نعيم الرومي

الزيارات: 2385

ميسون نعيم الرومي

عرض صفحة الكاتبة 

دارميات بمناسبة عيد الحب (فالنتين)

ميسون نعيم الرومي

جـَـرحك يـفـز هاليوم .. ينـثـر بالورود

احمر ورد فرگوه .. بس شعبي مگرود

***

امكيفه هالشـبـّان .. فرحانه بالحب

ببلادي محرومين .. ناسـيهم الرب

***

يا وسـفه عَ الشبان .. حرموهم العيد

وردك (يفالنتين) .. ناسـي المگاريـد

***

اتـباوع الشـــبان .. فـَـرحانـَــه بالحال

بس العراق اوليش .. دمهم حـَـمـَر سال

***

كلهـَه الشــباب اليوم .. تـتهاده وردات

ببلادي دمع ايسيل .. ع اللي انذبح مات

***

ولد الشـَـعـَـب چا ليش .. باگـَـوْ حلمْهـَه

متنعمه بالخيرات .. (الخضره) او ولدهه

***

أحمـَـر وَرد هاليوم .. خضـَّـر ابدمهم

اخوه الهم ابـ (بغداد) .. ذكرت اسمهم

***

باسم الشهيد اليوم .. كـلـْنـَه حـِلفـْـنـَه

بالحب اوإيد ابإيـد .. يرجـَع وطنـَّه

***

نـِـتـْـرَجـَّه (فالنتين) .. ايـمر ابوطنه

يـنثر ورود اوحب .. امحَسـَّـر شعبنه

------------------------

اهديها ال ثوار العراق الميامين

14/شباط/2020

ســـتوكهولم

• < السابق
• التالي >