كـتـاب ألموقع

شعب ايقوده شهيد// ميسون نعيم الرومي

ميسون نعيم الرومي

 

عرض صفحة الكاتبة 

شعب ايقوده شهيد*

ميسون نعيم الرومي

 

-(شعب قافل ع القضية) – يطرد الفاشي الجديد

يا عـراقي اويا مجـيـد – (شـعب ايقوده شهيد)-

ابدمهه ضحـَّـت هالشباب – رايه شـَـدَّت بالوريد

مـِـيـْتْ يوم الشعب صامد – ايعيش يرفض كالعبيد

بسمك اوصاحوا عـراق – شاب،شايب،وي وليد

لا تــَحـَـزّب لا تـَكـَـتـل – مانـريـد اولا نـريـد

كلنه واحد تحت رايه – راية الشـعب العتـيـد

الموت ايخافك يا عراق – صامد انت كالحديد

انريد حقنه انـْـزَلنـْه كلنه – عامل اوفلاح،طالب شديد

شعب قرر سلطه تسقط – والشعب رأيه سديد

چنـَّه أول صرنه تالي – احـْكـَمـْـنـَه سافل والبليد

باگوا افلوس العراق – والشعب اصبح شـريد

درَّة الشرق العظيمه – حاضرة (بغداد) الرشيد

ما نخاف اولا نهاب – نبني مسـتقبـَـل سـعـيـد

*(كـِتـْلوا عشره كـِـتـْلوا ميـَّه) – عن عزمنه ما نحيد

النصر إلنه قريـب – والنصر حتمـا أكـيــد

*(شعب قافل ع القضية)- (شـعب ايقوده شهيد)-

------

*شعب ايقوده شهيد:- من أهازيج المتظاهرين في الساحات

*شعب قافل ع القضية:- من أهازيج المتظاهرين في الساحات

*كـِتـْلوا عشره كـِـتـْلوا ميـَّه:- من أهازيج المتظاهرين في الساحات

-------------------------

1/آذار/2020

ســـتوكهولم