كـتـاب ألموقع
سنة العشرين ادخيلچ// ميسون نعيم الرومي
/ 0
- المجموعة: ميسون نعيم الرومي
- تم إنشاءه بتاريخ السبت, 04 نيسان/أبريل 2020 20:22
- كتب بواسطة: ميسون نعيم الرومي
- الزيارات: 1921
ميسون نعيم الرومي
سنة العشرين ادخيلچ
ميسون نعيم الرومي
نـِتـنـقـَـل من بـَـلوه البلـوه
قـَـتـل اوخطف اودَمْـرونـَـه
احـزاب العار ابخِسَّه وِلونَه
جَراد، اتراب، اسيول، اوغزونه
ثلج امطار..انـوبه (كرونه)-
لا مشــفى اولا إدْوايـات
منسـيـّه ابعَمْدَه الخدمات
نِـهـْبـَـوا آلوف المليارات
والشـعـب ايـدوّر بالات
**
سرطان اوجلطات الحاله
وانـوبه (كورونه) اچماله
الكـُـتـَـل اجيوش امجيشـه
تتكاتل واسلاح (امحشيه)-
والدوله التحكمهه الجاره
كـل يـوم امبدله وزاره
والدين (الينگز) بالنـص
مجرم بـِسْمَه.. ايفرهد لص
**
امن الشعـب اتعوق الآف
(يمريكا) وينه الانصاف؟
ياشعبي المَـنكوب.. ابخيره
مـوت اوجـوع.. ضيم اوحـيـره
-(الموصل) (سَدْهـَه) اينازع
لو(طگ) ! يهفي الديـره
لبيوت الصارت مَسْـبـَح
ابـّـ بيتك اسبح وافـرح
**
الحـل بيدك يا (برهم)
مجلس تغلق وانت الأرهم
-(حكومة انقاذ) اتـشـَـكل
ساكت ليش؟ اوتِـتـْخَـتـَّـل
-(امريكه) انتِ المسؤوله
جبتيهم واهجمتي الدوله
سنة العشرين ادخيلچ كافي
ضل شـي النه اوخافي؟
--------------------
4/نيسان/2020
ســــتوكهولم