كـتـاب ألموقع

نايم مدعينه العام// ميسون نعيم الرومي

• 

تقييم المستخدم:  / 0

سيئجيد 

المجموعة: ميسون نعيم الرومي

تم إنشاءه بتاريخ الثلاثاء, 18 آب/أغسطس 2020 19:11

كتب بواسطة: ميسون نعيم الرومي

الزيارات: 1812

ميسون نعيم الرومي

عرض صفحة الكاتبة 

نايم مدعينه العام

ميسون نعيم الرومي

نايم (مدعـينه العام) - واشمحله نـومـِـته

نومة عوافي بالعسل – محروس فدوه الگـِـذلته

امغلس اودومه ع القتل – موت اوذبح ما همته

سفطات راتب يستلم – متضخمه وامْورمه جيبته

بس بالإسم ماكو نفع – احذر او تـقـلق راحته

لو جاله سارق مرتشي – يفرح امأمن حصته

مـَـلفات اوللفساد امتلتله – بوگ او نهب ما هزته

الآف الشباب امعوقه – قتل او خطف ما حركته

مجلس قضاء اومدعي – للباغي شفتوا سندته؟

مشروع السؤال ارد اسأله – وادري الجواب ابجبته

لو ولده دمهه امطشره – يصمت جنابه حضرته؟

هم بالعسل نايم يظل – نوم العوافي نومته؟

يوم القريب او هم يجي – كلمن ابگصته طينته

نايم مدعينه العام – نوم الكهف يا نومته

----------

17 / آب / 2020

ســتوكهولم

• < السابق
• التالي >