اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

كـتـاب ألموقع

ياگلب .. كافينـَه// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

ياگلب .. كافينـَه

ميسون نعيم الرومي

 

شبعونـَه بچي ..

والروح تبقه حنينه

وك غمك يا گلب ..

ليوين عنده رهينه !

***

دومك رچيچ اوتحن ..

ياگلب كافينه

لاتيأس اولا تهده ابد..

بالضيم ساگينه

***

غربه اوبعيد الدرب ..

والشوگ چاوينه

العين تربي اوما تمل ..

 والوكت ناسينه

***

تعبنه هذا الوكت..

 بلوات بالينه

هانت نگول اوننتظر..

والفرج چا وينه ؟

***

مشتاگه روحي تـِـرِف ..

للنخله والتينه

الدجله وعذيبي يهب ..

الدهلته اوطينه

***

للناي واللحن الشجي ..

عاشگ أنه اونينه

الگعداتنه اوطيبة هلي ..

 يا حلم ودينه

***

ياما گعدنه سوه ..

والحان غنينه

الغيبه طالت تره ..

وانصاف ملگينه

***

بطل رفيف او بس بعد ..

 ياگلب تاذينه

راحن اسنين العمر..

 يا روحي ما بينه!!

***

ضعنه ابمتاهات الزمن ..

الزين والعينه

اتطشر عقدنه انفرط ..

يا دنيه لمـّـيـنـَه..

-( بـَغـداد) .. لمـّـيـنـَه

----------

22 / نيسان /2021

ســتوكهولم

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.