كـتـاب ألموقع

طايـح حايـطـْـنـَه اومـَــربـود// ميسون نعيم الرومي

ميسون نعيم الرومي

 

عرض صفحة الكاتبة 

طايـح حايـطـْـنـَه اومـَــربـود

ميسون نعيم الرومي

 

لا بـي نَـفـْع ... لا بـي فـود ـ طايـح حايـطـْـنـَه اومـَــربـود

نـوّاب اوتـكـرف واتـمـَـلـْيـِـن ـ امْــكـَـرّش واحـدهـم مَـلغـود

إهـدَمـْـتـوا (البـنـيـَـه الـتـحتـيـّـه) ـ ماظل عالم .. ما .. موجود

جوعان الشعب اوساكت ـ امخـَيـطـينـَه الحَلگـَه اومَسـدود

ريسنه :- اتهـَـدّه اشويه ـ لا تـنـْـسـَـه اوتعبر لحدود

اشـمـالك (تتصور) مهووس؟ ـ اتفتش ع المجد المَوعـود؟

لا توعد ! ع الناس اتچذب ـ لعلام الغشك ما محمود

ابچذباتك وامصدگ فرحان – امقشمر روحك يا مگرود

علگلك خرزه اوسبع اعيون ـ خافَـنـَّه ايـحـسـدَك حـاسـود

ريشك نافخ چن طاووس – مسؤول ابجرم المشهود

لحزاب اتقودك وامكيف - لازگ ع الكرسي المنكود

حسبالك تفلت شعليك ؟؟ – الأول انت ! اوللدوله اتقود

احسبهه اوفك عينك..إصحه – وصلوك الدرب المسدود

تاريـخ اقـراه اتمعن – ماتـلحگ تعـبـر الحـدود

تتركب كلهه ابـراسـك – واتصير انت المصيود

لا بـي نَـفـْع اولا بـي فـود ـ طايـح حايـطـْـنـَه اومـَــربـود

------------

ســـتوكهولم

2/تموز/2021