اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

كـتـاب ألموقع

الى تشرين اهديها// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

الى تشرين اهديها

ميسون نعيم الرومي

 

نمشي ع الذهب وابيوتنه اگشاش اوطين

چا وينه الفرج؟ والبوگ (باسم الدين) !

***

دين الله هذا الدين مايرضه بالشــين

باچر يصير احساب مهربكم امنين ؟

***

متفقه كلهه اعليـك صايـر ذبـيحه

ذبحوا مدنه اليوم صارت جريحه

***

هـذا العـمر هالراح نعگـد بالجروح

صار الگلب خشخاش وامدوهنه الروح

***

كلمن اسـلاحه ايصيح بس آنه وآنه

استشره البلاء اشلون وامنين اجانه

***

بعيونچ حزن وادموع يحبيبه (بغداد)-

نفس الوجوه الســـود يوميـّه تنعـاد

***

وسـفه العراق الصار مثل الخرابه

ياهو اليجي يوليه ايطلبه طلابـه

***

هذا (العراق) الزين مهد الحضارة

ينهض قريب ابساع ايصحح مساره

***

نـتـأمـّـل (الأحرار) ولدچ بـلادي

همـَّـه الأمل والجاه زوج اوفرادي

***

فـَـرحوا گلبنه اسباع ولدچ (يتشرين)-

همـَّـه أملنه الجاي .. ابسـَـن القوانين

***

انتوا الخلاص الجاي وانتوا اللي تبنون

هذا (عراق) المجد يشهـدلهه الكون

--------------------

18 /  تشرين / 2021

ستوكهولم

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.