اخر الاخبار:
  • Font size:
  • Decrease
  • Reset
  • Increase

كـتـاب ألموقع

• عبد الكريم قاسم

تقييم المستخدم:  / 0
سيئجيد 

جواد القابجي

عبد الكريم قاسم

 

في الذكرى العطرة للزعيم الخالد الذي بقي حياً في قلوب العراقيين

الشرفاء في الوقت الذي مات القتلة غير مأسوف عليهم ..

أهدي لمحبي حبيب الشعب وزعيم الفقراء هذا النص المتواضع

 

ألقيت في إحتفال يوم الشهيد العراقي

 

*******************

اجتنب .. لن عگربه البعثی ++ وقا سِم

اوحب كلمن خدم شعبه ++ وقاسَم

عهد الخير بي قاسم ++ وقاسم

أخذ كأس النزاهه الوطنيَّه

************

قاسم شرف تأريخه ++ وبسمه

او نجمه ايدور فوگانه ++ وبسمه

على صدري احملت رسمه ++ وبسمه

قاسم صارلي هوَّ الهويَّه

******************

القصيدة

زغِّر صورتي او كبُّر الصمُّونه

الشعب مسكين موكافي تظلمونه

*************

عيب ايصير وسط ابلادنه تعبان

وحنه اهل النفط والثروه والسلطان

قسِّم يا عراقي او بيدك الميزان

لتودِّع الشحمه ابحلگ بزُّونـه

زغّر صورتي او كبّر الصمُّونه

**************

إنهض يا عراقي او سيد هاي ارضك

احفظ سورك او معنا حفظ عرضك

ولا تامن البعثي الراجع ايدَمْرك

ولا ذاك الزمان إلنه يعودونه

زغِّر صورتي او كبُّر الصمّونه

 ***********

كُفُر والله يرد إلنه حكم صبيان

جرابيع المجاري اتسيد عالإنسان

ما يرجع او يحكم كان يا ما كان

نريده امأصّل اهل البلد يردونه

زغِّر صورتي او كبُّر الصمُّونه

**********

ميمر بعد بعثي او قذر فاشستي

گبل مرَّوا جثثنه هاي هالتحچي

بس اليوم لا والله ما نشكي

لكن نحرگ اسلاف اليكرهونه

زغِّر صورتي او كبّر الصمونه

 ***********

نعم ننتخب طيّب مثل ابن قاسم

حبيب او گلبه وي الشعب متوالم

مو بعثي حقير او مجرم او ظالم

او نفدي ارواحنه الكل اليحبُّونه

************

زغِّر صورتي او كَبُّر الصمُّونه

*******************************

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

 

 

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.