اخر الاخبار:
ديجافو.. نار تركية تزحف لمسيحيي العراق - الأحد, 27 أيلول/سبتمبر 2020 19:00
فيروس كورونا يزداد شراسة في دهوك - الأحد, 27 أيلول/سبتمبر 2020 11:05
  • Font size:
  • Decrease
  • Reset
  • Increase

كـتـاب ألموقع

• حوارية .. بين الكرسي وبين الناس

تقييم المستخدم:  / 0
سيئجيد 

جواد القابجي

مساهمات اخرى للكاتب

حوارية .. بين الكرسي وبين الناس

 

*******

ردت للكرسي أعاتب

وگفت ايدي والقلم ..!!

گتله حت ْ إنتَ تخالف .. يا قلم ..!!

گال ميخالف كفايه .. 

ما شبعت امن الألم >> >>??

گتله علكرسي نويت أكتب لوايح

فوگها ايرفرف .. عَلَمْ

او گلت للذكرى .. أخط كل الوعود

إلچانت ابكل راس شارع

وبصورهم والخَتم

وكتب اشكبره .. شعار

اطويل وعريض او أبد ماله حدود

(( ياشعب ماردنه منَّك .. غير صبرك والصمود))

گال كل هذا تريده على الكرسي ..!!!!!

بعد كل هذا الحمل .. ما ينكسر ..؟؟؟

گتله وك .. چاليش لا ..؟

موش آنه ابنادم .. او دَم او لحم ..؟

شوفهم ما عبَّروني

واني صرت إلهم .. جِسِر

ياحسافه ياقلم .. عللي جَره

شعب كلّه ايضيع .. بين القشمره

والضماير ضاعت ابنص الـــ .........

ياشعب الله يعينك

صرت ساحة ملعب اوراسك .. كُرَه

اسنين مرّن .. جمِّدوا بيك الوعي

ردَّت اعليك العجارب .. ونتَ صابر

وبعلو صوتك تصيِّح

يا عجارب .. إلسعي

******

اشكثر گلنه الينلدغ +++ مو مرِّتين

وبنفس ذاك الجحر +++ عِدنه الادين

******

هسَّه گمنه انصيح وين أصواتنه

راحت .. لوين ..؟؟

الصوج بينه ياكراسي

شبعوا بيها او غانمين

سِنة نوم الشعب ماخذ

لا تخافوا .. فزّه ماكو

العمر كلَّه .. نايمين

يا عجارب لسعي بينه .. مية مرّه .. مو اثنين

************************

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.