اخر الاخبار:
رسول: ‏العثور على 90 صاروخا نمساويا في كركوك - الإثنين, 28 أيلول/سبتمبر 2020 21:01
  • Font size:
  • Decrease
  • Reset
  • Increase

كـتـاب ألموقع

• للحزب في مولده

تقييم المستخدم:  / 0
سيئجيد 

شعر: جواد القابجي

للحزب في مولده

في مولد حزب العراقيين الشرفاء

الحزب الشـ 78 ـيوعي العراقي

*********

أبوذيَة

*********

إلحِزِب  بالگلب  ثبَّتَّه ++ وسامي

علامة شرف  سوَّيته ++ وسامي

عالي اوبالسمه يلمع ++ وسامي

او سهم الحقد مينوش الثريَّه

****************

للحزب شدَّة  ورد ..

      مضويَّه من خدَّه ..

إلورد اكتسب حُمرته ..

من فِكره ..

    من مَجْدَه ..

كل عام رد الحزب ..

      نظره او شباب أحله ..

عاشگ عراقي او مُحِب ..

ابعَشگ الوطن .. يعله ..

يكبر وسط كل گلب .. گال الوطن أغله ..

حزب الشغيله ثِبت ..

برض الوطن جذره ..

شاخص شموخ الشجر ..

ما دنگ ابحُفره ..

حزبك * فهدنه * جِبلْ .. وسهولنه الخضره ..

ما يوم هدنه تعب ..

إشما طالت السفره ..

هوَّه منو ..

هوَّه طريق الشعب ..

            إبدم الشهيد أروه ..

يكبر عراق الأبي ..

او هَمْ تكبر الثمره ..

حزب الشهامه يضل ..

چالشمس چالگمره ..

والحقد .. عمر الحقد ..

أمراضه ماتبره ..

ابحب العراق انعجن ..

دم الحزب .. مُهره ..

 ( عادل .. حسين .. او فهد )

ورفاقنه التبره ..

باقين وعله العهد ..

   او شمس الشموس أسْره ..

وشْياع وقَّع أمس ..

      ما جزع من صبره ..

*******************

نجمات فوگ السِمه ..

يضْوَن بليل أظلم ..

      لمَّن يِجِي فجره ..

شموع الحزب والضوه ..

       نار او تِشب كبره ..

او كل عام شوف الحزب ..

                   خيّال بالعِبره ..

يرجع شباب او گوي ..

يتنومس ابفكره ..

عاش الشيوعي الأزل .. للكادحه الفُقره ..

وعاش الشيوعي شَرف ..

                بزنودها السمره ..

او حزب الشعب .. للشعب ..

عندي .. عسَل مُرَّه .. عندي عَسَل مُرَّه

*************************78

جواد القابجي

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.  

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.