اخر الاخبار:
ديجافو.. نار تركية تزحف لمسيحيي العراق - الأحد, 27 أيلول/سبتمبر 2020 19:00
فيروس كورونا يزداد شراسة في دهوك - الأحد, 27 أيلول/سبتمبر 2020 11:05
  • Font size:
  • Decrease
  • Reset
  • Increase

كـتـاب ألموقع

• صرخة شعب

تقييم المستخدم:  / 0
سيئجيد 

شعر: جواد القابجي

مساهمات اخرى للكاتب

صرخة شعب

**********************

أبوذيّة

********

الشعب يصرخ يطالب ++ سلِّماني

غير الضيم ابد ما ++ سلّماني

عبرتوا على ظهري ++ سُلَّم آني

وعلى اچتافي تنولون الثريّه

**************

القصيدة

*******

اشوكت تصحه ياشعب

موكافي نوم ؟

اتوغِّلَت بيته الأراذل .. يوم يوم

************

وين ذاك ازماطنه او چنه اوچنت

ليش صفر اصفيت ..؟ للغيره بعت ؟

انسيت للفقره او يتامه اشواعدت ؟

حتى لا تنلدغ .. عض اصبعك دوم

*************

گوم كسِّر قيدك او طگ الحديد

وصير ثورة غضب ابداً لا تهيد

گوم سد الدرب .. عالچانوا عبيد

لا تِخَلْ غربانها اعلينه تحوم

************

گوم يعراق الأزل يابو التراث

گوم نظِّف أرضك اوسوِّي اجتثاث

گوم دمُّر كلمن ابتاريخي عاث

آنه سومر .. لكش .. بابل والعلوم

*************

صيح لا للأجنبي يأُمر عليك

إنتَ ســـــيِّد .. موش تابع إنتَ بيك

گوم حرِّر من قيود الشَر اديك

اعراقي انتَ او خل يلوم اللي يلوم

*************

كافي چم واحد قذر .. سلطان صار

گوم وحفظ ثروتك من هالأشرار

گوم .. باعوا غيرتك لَقْذَر جوار

ياحسافة ليث ..!! ويْجَفِّله البوم

*************

لا تثق يعراقي من هالبرلمان

اشلون يدفع عنَّك .. وهوَّه مُهان

هذا هوَّه ايلوذ بيك ..!! أكبر جبان

گوم غيِّر .. كلها بيدك يللّه گوم

*************

صیح لا للدين .. أحزاب او كُتَل

بالدمقراطيه حق .. عِزْ او عَمَل

وبالتساوي والعدل كُل الملل

اونسگي كلمن باگنه .. سم او زقوم

**************

بالدمقراطيه نبني اعراقنه

مو بالاديان

دين يصعد للقياده ..

وباقي الاديانِ تُهان ..؟

أبد لالا ..

انريد كل الشعب ينعم بالأمان

إليعبد الله .. ذاكَ بيته ..لا على المنصب

يحوم ...!!!!!

*****************************

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.


للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.