اخر الاخبار:
ديجافو.. نار تركية تزحف لمسيحيي العراق - الأحد, 27 أيلول/سبتمبر 2020 19:00
فيروس كورونا يزداد شراسة في دهوك - الأحد, 27 أيلول/سبتمبر 2020 11:05
  • Font size:
  • Decrease
  • Reset
  • Increase

كـتـاب ألموقع

ضاع يبن الوطن حقَّك ضاع ضاع -//- شعر: جواد القابجي

تقييم المستخدم:  / 0
سيئجيد 

اقرأ ايضا للكاتب

من وزن الموشَّح

*****

ضاع يبن الوطن حقَّك ضاع ضاع

جواد القابجي

************

ضاع راس الخيط مابين الأحزاب

ابدال مانبني كثر عدنه الخراب

ياحسافه انباگ من عدنه الوطن

اشكثر صحنه اوماسمعنه أي جواب

والمصيبه الباگنه الما يستحي

فوگ نهبه ايحرّك اعلينه الارهاب

إيد تغزي او إيد تضغط عالزناد

موش غربه امنهل بيتك هالعذاب

إحنه جبناهم على حساب او أمل

للعراق ، او عن طريق الإنتخاب

للأسف ماشفنه عدهم أي ولاء

للوطن ، ضاع الأمل ضاعِ الحساب

والطلابه افلوسنا مو بس نهب

بيهن ايقتلون أهلنه والأحباب

بالنهار اعللكراسي لاطشين

ومن يجن الليل يبدي الإحتراب

والفتاوي ابقتل اهلنه بسم دين

من مطايه او طائفيين الخطاب

ياحكومه اوبرلمان اشهلشغب

ليش ضد الشعب جا شنهو الأسباب

إلحافي مليونير صار ابراسنه

ومن تگله ليش كشَّرلك انياب

اقفل اسكت بلا حس اولا نفس

من تفك حلگك تره انگطع الرگاب

هاي هیچ الدوله صارت ياشباب

والأمل عند الشعب والله خاب

اليوم بلجن صحوه مو كافي النوم

والشعب يختار صحْ

بالإنتخاب

*******************************

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.