كـتـاب ألموقع

مجرّد تساؤلات -//- جواد القابجي

تقييم المستخدم:  / 0
سيئجيد 

اقرأ ايضا للكاتب

جواد القابجي

مجرّد تساؤلات

أبوذيَّه

*******

الوطن ألوان بي مذهب + ولعراق

وبِيِ من لا خجل يحمل + ولعراق

أحب كل طيَّب اومخلص + ولعراق

بين اظلوعي احفظه امن الأذيَّه

**************

القصيدة

*******

أسأل ارجال القياده اوكل فصيل

ليش دَمْ اعراگنه انهُر يسيل ؟؟

**************

ليش ماتعرگ گصصکم مستحه

گبل كلشي أعتب اعْلَهَلْ اللِّحه

باعت الدين اوصفه عالمشرحه

علَمُود المادَّه او جيبٍ ثجيل

**************

إقتل اسلب إسفك اولتدير بال

المهم تبني اقصور وتْطوِّر الحال

للفقير الله !!!! بس إلكم اموال

هوّه راد الله الفقير يظل ذليل

***************

ياحسافه الناس لســـّا نايمه

آمنت بيكم .. اوبيكم هايمه

اوإجت دولاراتكم من السمه

رزق الله اعليكم ايهيل اويميل

******************

يافصايل ظلم دوَّختوا العراق

انشرتوا بين الشعب إُميَّه وفراق

صرتوا للدولار حُب او إشتياق

وبفساد اخلاقكم هوّه الدليل

*************

فد سؤال البيه كل منصف يحير

ايصير يعله السافل بجوع الفقير

والشريف ايموِّته كاتم حقير

والوطن من زيفكم صاير عليل

*******************

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.