كـتـاب ألموقع

دوو بيت.. ذكرى إستشهاد الإمام الكاظم// زهير كاطع الحسيني

زهير كاطع الحسيني

 

عرض صفحة الكاتب

دوو بيت.. ذكرى إستشهاد الإمام الكاظم

زهير كاطع الحسيني

 

---- 1

اريد اكتب على الحيطان مهموم

وانزع غترتي وأدرع الهدوم

كاتلني القهر ما بييه لو كوم

أمشي الحضرتك وأطلب مرادي

 

----- 2

يوميه بفخر أبعث سﻻمي

أرفع هامتي يردلي سﻻمي

ابن بغداد أنا دار السﻻم

إمكابل قبته صُبح ومسيّه

 

------ 3

أسلّم عَ القبب وأرفع اﻹيدين

وأصلي بحضرته هذا أبو جوادين

إمراد إطلبت ما كَلي بَعدين

بالحال وعَجل حقق مُرادي

 

------- 4

مِن الكوت أنا تعنيت إمامي

مِشيت وبالمشي صِرت اﻷمامي

بَس أمي أنا شايف أمامي

عربانه إدفعِت لهفة هواها !

 

----- 5

أريد أطلب انا الميزان طُلبه

وأحكم بالعدل ويّ أبو طِلّبه

جثيره بالسجن طال بيها طَلبه

وين أهل الشَرع وأهل المروّه ؟

 

----- 6

ريت وكل مِسا أكَعد حضِرته

وأطلّع إكتاب وأقره عن حضَرته

صديقي الكاظم وﻻ تظن حِظرته

تراني كل وكِت أقره كِتابه

 

------ 7

إمامي أنا موسى وأفاخر

كرامات وعزم كله ومفاخر

ما أحد مثل جدي وفاااا آخر

راهِب بالسِجن صاحِب قضيه

 

ـــــــــــــــــــــ   8

مَناير مِن ذهَب والناس سِدها

زوار وإجت تقصد أسَدها

باتت للصبح حُبها وِسَدها

على دروب وشوارع تلتكَيها

 

----- 9

شكرا للزَحَف طيّب اﻹزار

شكرا للأحِبه الخدمو إلزار

شكرا للأهالي لِبسو إزار

قامو بالطبخ وإنطو ثوابات

-----

زهير كاطع الحسيني