اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

مقالات وآراء

عتوي السلطان// محمد علي محيي الدين

تقييم المستخدم:  / 0
سيئجيد 

الموقع الفرعي للكاتب

عتوي السلطان

محمد علي محيي الدين

 

 

فضائح الفساد في الحكومات العراقية المتعاقبة تستدعي وقفة جادة لدراستها، فهذا الفساد بالرغم من أضراره الاقتصادية والسياسية فإن له أضراراً كبيرة على العقل الجمعي للإنسان العراقي، حيث شكا العراقيون من فساد الأنظمة السابقة وقبل سقوط النظام الصدامي البغيض، وكانت سرقات حكومة الأخوين عارف على ضآلتها مركز سخط واستهجان المجتمع، اذ اتهم رئيس الوزراء العراقي طاهر يحيى بالفساد وأطلق عليه العراقيون لقب(أبو فرهود).

وأنا أستطيع أن أقسم بأن ما سرقه طاهر يحيى في وزاراته المتعاقبة لا يساوي ما سرقه (فرّاش) في المنطقة الخضراء أو بعثي من أبناء العوجة.

وعندما أنهار النظام المقبور توسم الشعب بقادته الجدد أنهم سيكونون بمستوى المسؤولية وأن يسارعوا لبناء بلدهم العزيز. لكن الشعب فوجئ بأن أسياده الجدد ومن ظن فيهم النزاهة والأمانة والإخلاص لماضيهم الزاهر كانوا أكثر فسادا من النظام البغيض وأن هؤلاء جاءوا لتعويض سنين النضال باكتناز الأموال ونهب البلاد وأدركوا ولكن بعد فوات الأوان أن (حسن أخو حسوني)... قاطعني سوادي الناطور قائلا: (صار لك ساعة تهذي صعدتنه فوگ ورديتنه جوه وما ندري شتريد هي ينراد الهه روحه للقاضي اللي يبوگ أبرة واللي يبوگ قطار هو حرامي، واليكتل واحد واليكتل عشرة هو قاتل وماكو فرق بين حرامي وحرامي أذا باگك باسم الأمة العربية لو بسم الأمة الأسلامية لأن ذوله لا الهم أمة ولا دين واحد تافل بحلـگ الثاني ومابينهم فرق، وگبل ما چانت أيديهم تنوش ولمن ناشت بينوا على حقيقتهم وسالفة ذوله مثل عتوي السلطان(يـگولون أكو واحد عنده عتوي بالبيت وهذا يومية يلـگـه طير من طيوره ماكول، گام يراقب واذا يشوف العتوي ماله هو الياكل الدجاج، گال ويه روحه خلي أخلص منه. خلاه بصندوگ وذبه بالنهر، ومشة بيه للماي، ويوم لن سلطان ذيچ الولايه يتمشه عالشط شاف الصندوگ گال الحاشيته جيبوه خلي أشوف أشبيه لمن فتحه لـگـه بيه العتوي أخذه وياه للبيت وخله الخدم يخدموه يوم من الأيام أجاه العتوي مدمه فسأل الخدم گالوله هذا مرات يطلع بره القصر ويمكن طاب البيت من البيوت مأذي وضربوه گاللهم علـگوا برگبته قطعة (ممنوع التعرض لعتوي السلطان أشما يسوي) وظل العتوي على كيفه اليا بيت يطب ياكل اللي يعجبه يوم من الأيام طب البيت صاحبه الأولي عرفه لمن قرة القطعة المعلـگـة برگبته گاله (انته چنت عندي ما تنحمل شلون أذا صرت عتوي السلطان).

 

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.