شـجـرة الصفـصاف// ميسون نعيم الرومي
- تم إنشاءه بتاريخ الإثنين, 26 أيلول/سبتمبر 2016 17:34
- كتب بواسطة: ميسون نعيم الرومي
- الزيارات: 1866
شـجـرة الصفـصاف
ميسون نعيم الرومي
صفـصاف شـامـخ للسـِـمـَه
هـيـبـَـه اوسـحـر لـلأكـوان
لـَـيـرات وَرْقـَه امـنـَـسـّـقـَه
يـغـوي جـَـمـال الألـوان
انـتَ الـدَلـَع انـتَ الهـوى
صوتـَـك عـِـزَف بـالألـحان
لاهـَـم عـَـلـيـهـَه اولا حـزن
لاثـَـمـَـر ثـَـگــَّـل لـَغـْـصان
شـَـمـس اوتـلاويـهـَه ابـصيـف
اتـفـَـيّي الـشجر والـبـسـتـان
هـيـبـَـة اورَشـاقـَه اشـما عـِـلـَت
يـگــْعـِد ابـظـلـْهـَه الـخـِـلاّن
مـَحـْـني الـشـَـجـَر كـلـَّه ابـثـَـمـَر
لـيـمـون تـفـّاح اورمـّان
راسـچ عـِـلـَه مايـنـْحـني
هـيـبـَه او سـحـر بالوديـان
صفصافـنـَه ايـبـوس السـِـمـَه
لـو عـطـَـش صاب الخلجان
يـقـْـرَه شـعـر يـقـْرَه نـَـثـِر
چـلـمـَه اوتـفـك الـبـيـبان
صفـْصاف يـالطولـك حـلـو
حِـسـْـنـَـك يـهـَـيـم الـوجـْـدان
حـلـوَه أمـيـرَه امـتـَوّجـَه
كـلـْهـَه فـَـرَح ماكـو احـزان
صفـصاف شـامـخ للسـِـمـَه
هـيـبـَـه اوسـحـر لـلأكـوان
--------
ســــــــــبتمبر / 2016
ســــــــــــتوكهولم
المتواجون الان
352 زائر، ولايوجد أعضاء داخل الموقع