الغزل يحله ابملگاه// ميسون نعيم الرومي
- تم إنشاءه بتاريخ الثلاثاء, 20 آذار/مارس 2018 22:30
- كتب بواسطة: ميسون نعيم الرومي
- الزيارات: 2513
شعر غنائي
الغزل يحله ابملگاه
ميسون نعيم الرومي
گالولي اكـتـِب غـَـزل
والغـزل يحله ابـملگاه
رمشه شمس منه تـشع
*گنطار عـَـسـَّـل بشفاه
اعيونه سحر ماتنحزر
نازل گمرنه امن اسماه
حِسنه حسن يسحن سحن
مايـع يـول يا محلاه
لو مرّ الاسمر يا ناس
تلمع نـِجـوم ابممشاه
ورد البنفسـج قـِدّاح
سبحان رَبّ السـوّاه
صوته نغم كله شجن
يحله السمر كلـَّه اوياه
مشتاگه روحي اوبس اله
اگليبي نبض وابنبضاه
حبه كبـَر ويـّه العمر
والگلب غنوه اوغناه
اسنين مرت واسنين
والروح ما ضن تسلاه
گالولي اكـتب غـَـزل
كلمن ايـغـَـني الليـلاه
-----------------------------
*گنطار:- من انواع التمور النادره
------------------------
آذار/ 2018
ستوكهولم
المتواجون الان
711 زائر، ولايوجد أعضاء داخل الموقع