اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

اغنية الى تموز// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

لقراءة مواضيع اخرى للكاتبة, اضغط هنا

اغنية الى تموز

ميسون نعيم الرومي

 

راحت اسـنين اوهالإجت - يعراقي قـصـّـه قصتك

فرحه گصيره يا شعب

يا روحي ملينه التعـَـب

تموز هالجانه ابعـَـتـَـب

صارت چبيره بلوتـَك ـ يعراقي صعبه قِصتك

***

*چان الملك ستر اوغطه ـ (اكريم) إجانه ! اشورطه

ياثوره : شنـهي قِـصـتـّـچ

محنتنه صارت محنتچ

بدمانه عجنـَـوْ حِنـِتـِچ

يا شعب بلوه بلوتك ـ يعراقي اروي قصِتـَـك

***

تموز حزنك شـو كثر؟ ـ دم الشعب يسگي نهر

بالـموت صرنـه او نحتفل؟

شعبك حزن .. حتى الطفل

وين الوطن ؟ كله انــِّـشَــل

حـرفـَوْ الـدّيـن ! اومـنـهجـك – يـعـراقي محـنـه محـنـتك

***

ظلمه اصبحت مامش أمل ـ  ناكل هضم نلبس سمل

اغتصبـَـوْ اكريم .. ثورتــك

تموز هجموا ديرتك

يعراقي صعبه بلوتك

تـچوينـي جـمرة چـويـتـك ـ بدموعي أكتب قصتك

يعراقي قـصتـي قصتك

-----------

14/تموز/2018

ستوكهولم

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.