اخر الاخبار:
رائد فهمي يلتقي وفداً من الآباء الدومينيكان - الخميس, 21 تشرين2/نوفمبر 2019 10:21
محتجون يغلقون منفذاً جنوبي العراق - الأربعاء, 20 تشرين2/نوفمبر 2019 20:08
  • Font size:
  • Decrease
  • Reset
  • Increase

ام الشهيد اتصيح عينونه// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

 

عرض صفحة الكاتبة

ام الشهيد اتصيح عينونه

ميسون نعيم الرومي

 

تحية الى من يساند انتفاضة الشباب في وطني الجريح

 

عريس وابدمه يحـَنـْونـَه – لفـّوا بالعلم وامسلهم اعيونه

غاد الچفن ليغاد فدوه الگذلته – يجناز انتظر خل ربعه يزفونه

لا چنه كبر وافرحتي بسنينه – طفو شمعته وانخطف يا لونه

ام الشهيد اتصيح عينونه

عريس وابدمه يحـَنـْونـَه

***

لفـّوا بالعلم واحلامه خِنگوهه – امحسر يا عـُمـُر واسنينه عـدْموهه

مدرسته بچت والكتب لموهه – اصحابه اوهله .. ابتابوته حطوهه

يجناز انتظر ضحكاته جمعوهَه – احلامه،والدمع،ع الگبر طشوهه

طفو شمعته وانخطف يا لونه

ام الشهيد اتصيح عينونه

***

لا شغل عدنه اولا عمل – بعده المخطط ما كمل

امعمم اوقاط او(فخفخه) – كلهم حثاله ابلا أصل

ذبحوا ولدنه يا شعب – جرح الوطن ما يندمل

بشوية چذب خدعونه

ام الشهيد اتصيح عينونه

***

-(مهدي او صالح والربع) – امروا ابقتلك يا شعب

أملاك وافلوس املتله – وانت الك جوع اورعب

تگدر حرامي اتأمنه؟ - لو صدگت مـَـيضل عـَـتب

وعدوا بالوعد باچراوينسونه

باعوه العراق اشلون يحمونه

ام الشهيد اتصيح عينونه

جمع او فرد فدوه اله اولعيونه

عريس وابدمه يحـَنـْونـَه

----

11/ اكتوبر/2019

ســـتوكهولم

 

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.