چـَـقــَّـه شــبر// ميسون نعيم الرومي

• 

تقييم المستخدم:  / 0

سيئجيد 

تم إنشاءه بتاريخ السبت, 28 آذار/مارس 2020 19:05

كتب بواسطة: ميسون نعيم الرومي

الزيارات: 1916

ميسون نعيم الرومي

عرض صفحة الكاتبة 

چـَـقــَّـه شــبر

ميسون نعيم الرومي

چـَـقـَّـه شـبـر لعبوا لِعـِب

ماينوصف نـِهـْـبـَوا نَهـِب

-(صار الشعب) (صگله اوچعب) *

نـَـفط الوطن كلـَّه انـشـرب

سـلطـَة چـذب سـِلطة نـَصب

كلشي انتهى كلشي خـرب

صرنـَه تحـِت خـَط الفـقـر

لعـبـَـوا لعب (چـَـقـَّه شـبـر)*

***

لحزاب السياسه..الخزنه صفـَـت

حصه إله اوحصه إله واتقسمت

جتنه (كورونا) امحزمه واتونست

لا مشفه عدنه اولا دوه واتمددت

-(كلمن خِـتـَـل) والساسه كلهه غلست*

-(علاوي) ينخه،اولا فلس ما حصلت

ماكـو شـريـف اولا نـَـفـَـر

لعـبـَـوا لعب (چـَـقـَّه شـبـر)*

***

لعـبـَـوا لعب (بلبل حاح)-

*ماي الوجـه كلـَّه طاح

لاذمه لا شرف..كلشي راح

النه المرض الهم فـَـرح

-( كورونا) الهم چن نسـت

من حسرتي گلبي انجرح

ليـون يا دنـيه اوننتظر؟

لعـبـَـوا لعب (چـَـقـَّه شـبـر)-

----------------

*صگله اوچعب ،چـَـقـَّه شـبـر، بلبل حاح:-

من العاب الصبية ايام زمان

-----------------

خِـتـَـل:- توارا عن الأنظار

غلست:- كأن الأمر لا يعنيها

---------------------

علاوي:- وزير الصحة العراقي محمد توفيق علاوي طلب مبلغ لمواجهة وباء كورونا رفضت وزارة المالية

--------------

28/آذار/2020

ســتوكهولم

• < السابق
• التالي >