يا تـمـوز// ميسون نعيم الرومي

ميسون نعيم الرومي

عرض صفحة الكاتبة 

يا تـمـوز

ميسون نعيم الرومي

تاريخك شمس تموز..

تشهد ملايينن

يا فرحة عمر..

يا ورد العناوين

***

فـرحـَـت الناس اوهلهت..

رٍگصت اوعنت ..

تلاحين

طلع كل العراق ..

ازغار ويه اكبار ..

هتفت للزعيم الجان ..

هوه العين

***

يا تموز

يافرحه الچبيره ..

او أمل للطيبين

يا تموز

يافخر العراق الضاع ..

من اسنين

***

شوف الجره ..

شوف اشصار ..

يا تموز ..

جلاد الحكم ..

وزع بالتساوي الجور..

 ويه البين

***

وانوبه بعد ..

تموز احچيلك ..

التمت علينه اواجت ..

كومة ثعابين

لا تشبع .. لا ترتوي..

لا اتمل

حتى اسمك ... كلوه !

او باعونه باسم الدينa

يا تموز

-------------------------------------                            

بمناسبة الذكرى الـ 66 لثورة 14 تموز المجيدة

الســويد