كـتـاب ألموقع

اصحاب شهادات الدكتوراه المزورة// عباس طريم

عباس طريم

 

عرض صفحة الكاتب 

اصحاب شهادات الدكتوراه المزورة

عباس طريم

 

الى اصحاب شهادات الدكتوراه المزورة .. اهدي قصيدتي .. متمنيا لهم النجاح والتوفيق  ومزيدا من التزوير ..؟

عباس طريم

 

ياهو   اللي   يجي   ايكول انه دكتور

ومن اتكله شور ؟ ايكول شني هاي

الشهادة ايكول: من جامعة هو هاي

اختصاص بجي ان او ار ام اي

اعرف الناس كلش , واقره الوجوه

ابعدو عن نقاشي ابعيد , مولاي

انه الدكتور ,  امشي اوجنطتي اوياي

ومن امشي ابرهاوه , وحيل بهداي

درست ابجامعة " شنهاو بالصين

وشهودي ازناد وامناتي اوبداي

خبير اوروح ابوي اوموش تسطير

والساني طويل وحيل حجاي

حسادي   يوجهولي   اتهامات

ويقلد عليه الراح  والجاي

انه الدكتور .. اعرفوا  مركزي زين

صعب واحد يجي ويتناقش اوياي

سترتي من المجر ,  بالفين  دولار

وقميصي امريكي من اسواق هاواي

اعرف احجي انكريزي ومن  الاكيه

صديقي جاك , اكله من الصبح " هاي

واذا ما مر علي وارد اعرف الصار

اكله اتاخرت ما جيتني "  واي

واذا يتذكر امه  ويبجي وينوح

اكل الجاك , ما اتحمل " اكراي

ومن مرات ازوره واكعد اوياه

واريد اطلع اكل الجاك " بيباي

ومن احجز واسافر بالمطارات

اكلهم ياوكت شوفولي " الفلاي

بس احجي انكريزي ابكل الوكات

لغتنه انساهه ويترجملي عداي

واليحجي عرب  وياي مرات

اكله نو هبيبي روح مناي

بعض المرضه تمشي وتشتري القاب

لان الربع ياللاسف , حفاي

من امريدي   كل هاي الشهادات

 

اذن هذه النفخ ياسادتي  " واي

العراقي امن الصغر عاش الملاعيب

ويميز الجذب , والعزف عالناي

 

عدنه  بالعراق  اليوم  مليون

دكتوراه, ولا تستغرب ابهاي

موجودات عالبسطه الشهادات

امام العين , بس تحتاج شراي

مثل  بياعت  الركي  البالسواك

 

اليبيعوا الشهايد , صاروا اهواي

الناس  اترحب  بذوله  الجذاذيب

ويكولون   للصادك ..شكو جاي

وبالتزوير فعلا صاروا  احوال

الجانوا  للاسف  بالامس حفاي

صعدوا بالنفخ والتفخ والزور

وصار الحل بديهم , كله والراي

الناس اهواي تعبت بالدراسات

واجاهه من الاخير اوفات شواي

المايعرف ايسولف,  اولا  صار

واخيرا صار المعدل وابو الراي

بعدنه  انعيش اوهام واكاذيب

مثل  واحد غريج امجلب ابماي

دنيه   اتلاعب  الحر  وتلاويه

واتدني اليجي,  وللاثم عناي

عد الربع الاف الطراكيع

احترت ياهي الاسولف , ذيج لوهاي.