هم بعدك ندمان ..؟!
لطيف ﭙـولا
أشوفـَك ندمان يا ﯖلبي شعـَجـَبْ ؟!
انــتَ لخليتـنا لــمايسوا حَطـَب ْ!
نـَذل ْ ومتلـَوِث بخبث وجـَرَب ْ
ودَهــر الضيـَعنا بالسكراب ذهـَـبْ
قـرود الغاب ْ تـعلــمها أدَب ْ؟!
وشعر وموسيقى وعـلوم وطرَب ْ؟!
مو تعرف المسيح لويش انصلبْ؟!
وسقراط من ﯖبلـَه من السموم شرب ْ!
بـَعدَ سخريوطي عـَل الحَبل يلعَب ْ
والساقــط ابـَد ما عــليــه عـَـتـَـب ْ
أعتب عل لـِنـﮕـات لتوزع رتـَب ْ
ﭼـَم نـَبي دجال عــليـنـا جــَذب ْ ؟!
يتاجــر بالــقــيم ويـبيع بالـوطن
ينـطـيــنا النـُوى ويبوگ الرِطـَب ْ !
صرنا مثل الذاك لبـِلبـَحـِر كـِرَب ْ
يزرع بلرمال وينــتـظــر عِــنـَب !
ما يفيد الحـَﭼـي ما تنفع الخِطب ْ
كــل الهـِدَرت َ مـن العـُمر انـحـِسـَب ْ
خـَلها عـَلْ التاريخ مثل ما انكتب ْ
ماكــو نـتــيــجــه ما ألــها سـَـبـَـب ْ
صرح البــنـيـته بالهوا خرَب ْ
وصاحبك الدَجال بــاعــك وﯖِــلـَبْ !
لـكـل الــنـاس صايــرلي قـِرَبْ (2)
يا نهر عطشان ! يا نار وغـَضـَب ْ!
شرب من مـَيَّـك وبالحجر ضرَبْ
ﭼا ضميره ويــن؟! ضامَّه بالـعـلب ْ؟!
لا تعاتب دَنيء إحساسَــه شطـَبْ
لا مـيِّت يـحس ولا يـخـضّـر خـشـَب ْ
صـوﭼـي يا ﯖـلبي شِلـْتَ من تعبْ
من ﭼان بالـصيـان طامـس للرِكـَبْ!
لا تعاتب شمعة يحرﯖـها اللَـَّهب ْ
تـضيء الــدَرب لـعــميان ودُبـُـب ْ !
هم بعدك نـَدمان ؟ يا ﯖلبي شعـَجـَب ؟!
انــتَ لخـَليتـنا لـمايسوا حـَـطـَـب ْ!