اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

كـتـاب ألموقع

محبة ...!// عبد الرضا المادح

تقييم المستخدم:  / 1
سيئجيد 

عبد الرضا المادح

 

عرض صفحة الكاتب 

محبة ...!

عبد الرضا المادح

 

بالأمس چنه كلنه صحاب ،

مابینه واحد منافق چذاب ..!

بس يمر بينه ،

ويدك ذاك الباب

نفتحله ،

و أول سؤال ،

 عن صحته ،

وعن صحة الغياب ..!

نسهر ..

نسولف ..

نغني ..

نرفع كاس الأحباب ..!

وأبد ما فرقتنه

ألوان..

وأديان ..

وعشاير وألقاب ..!

گلب واحد

وما زَعـَّـلنه أبد ،

أي عتاب ..!

ومن يعثر صديچ ،

تهب النشامة

تسانده وتدفعله كل حساب ..!

وچماله تلومه :

ليش ساكت ،

ما گلت ،

ما خبرت ،

ما دزيت أي كتاب ..!

......

ودار الزمن وسفة ..!

ودوّر علينه الدولاب ..!

وصار الفلس يلمع ..!

بعيون الرچيچه ،

 الما تريد تشوف

شمس المحبة

ولا تريد تشوف

لمّة ذيچه الأصحاب ...!

 

عبد الرضا المادح

2020.09.24

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.