اخر الاخبار:
تكشف لأول مرة.. تفاصيل تدمير مفاعل العراق - الأربعاء, 23 حزيران/يونيو 2021 21:27
واشنطن تتعهد بمعاملة خاصة لقبول العراقيين - الأربعاء, 23 حزيران/يونيو 2021 21:25
اندلاع حرائق كبيرة شمالي دهوك جراء قصف تركي - الثلاثاء, 22 حزيران/يونيو 2021 17:19
الصحة تسجل 6003 إصابات جديدة بكورونا - الثلاثاء, 22 حزيران/يونيو 2021 17:17
انفجار قرب جسر في كركوك - الثلاثاء, 22 حزيران/يونيو 2021 10:20
البرلمان الاسترالي يمرر الاقتراح الآشوري - الثلاثاء, 22 حزيران/يونيو 2021 10:14
  • Font size:
  • Decrease
  • Reset
  • Increase

كـتـاب ألموقع

• البرلمان والأمان

تقييم المستخدم:  / 0
سيئجيد 

جواد القابجي

مساهمات اخرى للكاتب

البرلمان والأمان

**************

أبوذية

*****

بلا كهربا الحر ايهيج ++ نصّاب

مجلسنه اجتمع بس ماكو ++ نصّاب

عرفناهم .. عرفنه منو الـ ++ نصّاب

يلطُم على الحصّه مو عليَّه

*****************

القصيدة

***********

اليستر الله من هالبرلمانات

ماضل ثقه بيها اولا أمانات

***********

صحت اليستر الله اشهلبلاوي

ياهو اللي تأمنه طلع واوي

فضائيات , كتّاب او رشاوي

وميحصِّل شعبنه غير آهات

**********

من يوم الذي ذبهم علينه

ابن مشعولة الصفحه ابتلينه

كلسا لدغه .. وتْوَرْمَتْ ادينه

ابنفس الجحر .!! غير انتوب .. هيهات

************

حچینه هواي بس محَّد سمعنه

راح اعراگنه او هِلْ يا دمعنه

والساسه رفس كسروا ضلعنه

وطاحوا بالكراسي لحس .. بوسات

************

عليمن نعتمد ياداحي الباب

ولا مّره اجتماع اوكمل نصاب

ابلندن گاعده او عمّان نوّاب

بس بالإسم ما واحد نفعنه

************

الشعب ما ادري ليش شلون راضي

وصاروا على الفقره سيف ماضي

او رئيس البرلمان ايبيع اراضي

او يبيع اهله بعد مو بس شعبنه

**************

خبر تازه اجاكم يا تفاهات

ابقوا برَّه لا تحضروا الجلسات

( من مجلسكم انشالت الصبّات )

وتخيَّلكم اتصيحون ضعنه

**************

سوّوها مراحل بالغيابات

للحج وجبه تستغفر البوگات

والعُمره افتوها عشر مرّات

ودْعوا فقط للفجَّر أهلنه

*************

كافي اوعيب مو صخَّمتوا لوجوه

مابيكم طلع واحد النرجوه

العراق انريد اشراف اليقودوه

إلترد إلنه الكرامه اترد اسمنه

***************

نريد الشعب يلتف عللتيّار

دمقراطي او عداله اتقوده الاحرار

او يرمي بالمزابل كل الاقذار

عراقيين أُمَّتنه ابجمعنه

************

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.