من يوم معرفتك// إسراء فرحان
- تم إنشاءه بتاريخ الأحد, 19 أيار 2024 20:12
- كتب بواسطة: إسراء فرحان
- الزيارات: 1342
إسراء فرحان
من يوم معرفتك
شعر إسراء فرحان
من يوم معرفتك گلبي غريب أطوار
وتيّهتْ عقلي بيك من يوم معرفتكْ
وانسيتْ كل البشر من أهل.. من أصحاب
ومن بين كل الناس حبيتك وردتكْ
خليني لُو مفتاح عند الخصر ينشال
لُو حتى رشّة عطر علگانة برگبتك
لو حتى خليني مراية على الحيطان
تتمشّط گبالي.. وبروحي رتّبتكْ
لُو حتى سالوفة حلوة بگلبي فنجان
تحجي احجاية فرح عن حظك وبختكْ
واحسبني ونّاسة ولمّن تفز بالليل
تلگى العشگ يضوي.. واعيوني حارستكْ
لو بردا للشباك وأكسر عيون الشمس
لو جت تناظر بيك حسبالي عاشگتگ
خليني گدامك لو أي غرض بالبيت
يوميّة تلمحني بأجزاء من وقتكْ
وآنا أظل وياك واگليبي هايم بيك
وأتأمل عيونك.. وهندامك.. وسَمْتَكْ
بسكوت تلمحني.. وبسكوت تنساني
وبسكوت أنا أشتاگ.. وبسكوت عاشگتكْ
ما گلت لك گلبي صاير غريب أطوار
وتيّهتْ عقلي بيك من يوم معرفتكْ
شعر: إسراء فرحان
المتواجون الان
912 زائر، ولايوجد أعضاء داخل الموقع