انطيهم اسراهم// ميسون نعيم الرومي
/ 0
- تم إنشاءه بتاريخ السبت, 06 أيلول/سبتمبر 2025 20:34
- كتب بواسطة: ميسون نعيم الرومي
- الزيارات: 539
ميسون نعيم الرومي
انطيهم اسراهم
ميسون نعيم الرومي
انطوهم اسراهم يمعودين
امن اجل الاطفال المظلومين
امن اجل الأم المفجوعه
وادموع اليبست بالعين
واطفال الضاعت واتيتمت
والحرب التطحن ليوين
انطوهم اسراهم يحماس
ابدم الشعب اولتسبحين
ذكري الله يحماس اتهدي
بالشعب اوكافي اتضحين
انطيهم اسراهم بس
اوبس
****
اجراحچ ياغزه الخزنت
لاينفع تضميد اولا شداد
والشعب المگرود اتشرد
واللگمه التحصل بالكاد
انطيهم اسراهمَ كافي غم
لاظل خال ولاظل عم
اطفال اتشردت وانبادت
والوادم غرگت بالدم
انطيهم اسراهم واتكتري
جرحچ يا غزه الما يلتم
انطيهم اسراهم كافي دم
كافي
****
يا شعب الغزاوي المنضام
بين المطرقة والسندان
حاير بامره او ماكو حل
غلطه اچبيره يا سفان
كلشي انهار اوكلشي ضاع
لا مستقبل لا بنيان
شبان اتعوقت آلوف
بإلايد او رجل اوعميان
امصايب اشكال اوالوان
موت او جوع اوحرمان
انطيهم اسراهم يحماس
كفي الدم ونقذي الناس
كافي او كافي اعناد
كافي اوبس
كافي
—--------------------
6 / سبتمبر/ 2025
الســــــويد