اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

ويلكم من يكول الشعب كلمته// د. رمزي توماس

تقييم المستخدم:  / 0
سيئجيد 

ويلكم من يكول الشعب كلمته

د. رمزي توماس

 

وينكم  الوطن كله خرب من وراكم ...

دجلة وفرات كسرت عطشكم ونداريتوا ظهركم ...

خبز وملح أكلتم وما غزر بيكم ونكرتم ...

خيرات البلد عبيتوا بيها خزينتكم ...

الشين لشعبنا والزين إلكم ...

هبطت الثقافة والأدب والتربية والتعليم ...

منو بيكم إشتغل حتى تعمرون بيوتكم ...؟

أصبحتوا ما تفرقون بين الحلال والحرام ...

نقطة حيا بجبينكم إنمسحت بأقدامكم ... 

تتصورون هيجي تدوم الحياة إلكم ...

ترى شعبنا مو بهل بساطة بنظركم ...

ياهو ليجي ويروح يعبي جيوبه من فضلكم ...

خزينة البلد إنتقلت لبنوك الدنيا بإسمكم ...

ويلكم من يكول الشعب الكفر يدوم والظلم ما يدوم ...

دير بالكم من توصل السجينة للعظم ...

أنتوا مو أحسن من الي إنكسنوا كبلكم ...

سرقوا وتفرهدوا وبالأخير مزبلة التاريخ تلكتهم ...

تتوقعون تبقون مدى الحياة بساحة بوحدكم ...

ما تعرفون هاي غيمة سودة وتنقشع وياكم ...

شعبنا حبله طويل ما يتحمل ظلمكم ...

ما خليتوا شيئ ما نهبتوه إلكم ...

وظائف بدرجات عالية لناسكم وحزبكم ...

عقود محلية وأجنبية ضميتوها لربعكم ...

كلكم بشهادات مزورة بوظائفكم ...

بأي ديره تلكه 39 ألف شهادة مزورة غير بعهدكم ...

يكفي عيب عليكم هلكد أرامل ومعففين وأيتام ...

لا يرفلكم جفن ولا ضمير يوخزكم ...

كلها من ورا فساد أفكاركم ونتن أفعالكم ...

تاجرون بالدين وأنكشف أمركم ...

طائفيتكم المقيتة شطرتوا الشعب اقسام ...

هذا سني وذاك شيعي وهذا مسيحي وذاك مسلم ...

وهذا صبي وذاك إيزيدي والأديان والطوائف كلها براء منكم ...

وأنتوا كاتلكم الجنس والفلوس عبادتكم ...

وصل الحد بيكم لميتوا بكاعنا حثالات العالم ...

صرتوا عملة وحدة وجه داعش وبظهرها أنتم ...

شوفوا لهاوية أنحدرنا بسببكم ...

ظالم يجي وظالم يروح ومنو الباقي بيكم ...؟

وينك يا شعب الرافدين أنهض عليهم ...

ولا تخلي حالهم أفضل من لي كبلهم ...

والأبقى هو شعبنا والوطن سالم ...  

 

 

رمزي توماس   07.02.2015

أضف تعليق


للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.