كـتـاب ألموقع

• من روضة الدارمي

• 

تقييم المستخدم:  / 0

سيئجيد 

المجموعة: محمد علي محي الدين

تم إنشاءه بتاريخ الثلاثاء, 05 كانون2/يناير 2010 09:56

الزيارات: 1740

 محمد علي محيي الدين

 من روضة الدارمي

الوكت مــــــا ينراد      أشگد صعبة الأيام

الواوي حايف صار      بيه والسبع نــــــام

***

أوهمداهــــه الروح      تستاهل المــــــوت

ذبتني بأتعس حــال      وتگلـــــــي مبخوت

***

الدهر طگني بأيــــد      جســـــره وتنخيت

وأتنطر الصدگــــان      ما واحـــــد الگيت

***

راح الأزامط بيـــــه      ما منـــــــه ظــنه

أبحلگه والعصفـــور     ياخذهها منـــــــــه

***

أيزير الجلب هاليوم      والسبع ينـــــــــبح

والباهت المذمـــــوم      طــــــــاب وتملح

***

الوكت ليش أويــــاي     جزاها حدهـــــــا

دگ دگه لا بن حيض     لا نــذل دگهـــــا

***

هاجت بگلبي النـــــار    مـــن گلتي عمي

خنجر سلامج صــــار   هيجتي همـــــــي

***

يا هو التلزمه اليــــوم     بالصدگــه جذاب

رفگة ربعنه اليــــــوم    حــــد عتبة الباب

***

تسألني عــــــن الحال    حال أرده من حال

بني بوسط ضحضاح     يتمزرگ بفـــــال

***

تفرطن الواوي اليوم      ياكـــــل لحم شاة

وشيخ السبـاع بجوع      ما يلگـــــه تبنات

***

شيبت وأدري الشيب     مو لايگ ويــــاي

وأفادي شحمه يذوب      مــن يجبل أهواي

***

ذاب الگلب بــالضيم      لا عـــــن ولا نام

وفته الدهـــــر فتات      طگ طگة الجام

***

أوهمداهه الروح             تاليه  موزين

لا ساوت الزينين             لا لفهه البين

5 1 01

• < السابق
• التالي >