كـتـاب ألموقع
ابخـتـك يـســيد// ميسون نعيم الرومي
- المجموعة: ميسون نعيم الرومي
- تم إنشاءه بتاريخ السبت, 02 حزيران/يونيو 2018 10:58
- كتب بواسطة: ميسون نعيم الرومي
- الزيارات: 2404
ابخـتـك يـســيد
ميسون نعيم الرومي
ابختك يسيد ننخاك
شعبك تعب كافي ظلم
كلهم شـَـلع كلهم قـَـلع
اكـْلـَـوْ لـَحـَمـنـَه والعـَظم
كلمن اوعـنده فد جيش
ضد الشعب يحمي الحكم
كلهم يسـَـيد سـراق
تعرفهم انت بالإسم
يتحاسب الباع الوطن
والبدوه من (راس الهرم)-
حـَرفـَـوْ (يسيد) بالدين
شـِـغلوا شعبنه (باللطم)-
-(لحسين) ثورة اصلاح
وانت إبن اهـل العلم
صار الوطن عَ الهاويه
بيدك اتنقذه امن العدم
عين (الفقير) الترجاك
تتنطرك كل (الزلم)-
مات الزرع صارت بور
والوطن يبچي منهدم
حتى (النخل) هم عدموه
(دجله) او(فرات) الما سلم
انت (يسيد) مو گلت ؟
لتجرب امجـَـرَّب منهزم
هذا الوطن نفضوه نفض
كلهم يسيد مـُـتـَهـَم
حتى (القضاء) المسخوه
سحگوه سَحِگ تحت القدم
نص الشعب صار (ايتام)-
تـِـلـْگـِط زبل تنبش رمم
صار (الوطن) تحت الصفر
انباعت كراسي اويه (الذمم)-
ايران كوشت عَ الوطن
صخمت وجهنه باصخام
-(نـوّاب) تكـرف آلاف
ماكو عـِلـِم لاكو فهم
هذا الشــعب كله اوياك
يـِنـْـظـَـف وطنه امن الرمم
ابختـك (يـســـيد) ننخـاك
تحمي الوطن تحمي (العـَـلـَم)-
تحمي الوطن تحمي (العـَـلـَم)-
------------------------
1/حزيران / 2018
ستوكهولم
المتواجون الان
678 زائر، ولايوجد أعضاء داخل الموقع