كـتـاب ألموقع
يا شــعـب// ميسون نعيم الرومي
- المجموعة: ميسون نعيم الرومي
- تم إنشاءه بتاريخ السبت, 04 آب/أغسطس 2018 20:09
- كتب بواسطة: ميسون نعيم الرومي
- الزيارات: 2295
ميسون نعيم الرومي
لقراءة مواضيع اخرى للكاتبة, اضغط هنا
يا شــعـب
ميسون نعيم الرومي
الى شعبنا الثائر الجريح اهديها
زلزلهه بيهم : يالغضب – واعلنهه : يا ثورة شعب
كـَـسـّـر اقـيـودك وانـتـِفـض – نظف (الخضره) امن النـَهـِب
إحنه العراق اوثورته – البردي يشهد والگصب
حتى النخل سـَعـْفه هـِتـَف – من جـَـذره لعـثـوگ الرطب
-(مدحت المحمود)..القضه – مجـرم اويحمي بالسِـلـَـب
هذا القضاء اوشـِلـّـتـَه – باچر يـقاضيه الشعب
حِرگوْ وطنه ! واشتعل – والشعب صارالهم حـَطـَب
عالي مقامك كل وكت – يا وطن اعـْلـَه امن السحب
يابـو الحِضاره امن الأزل – قـانـون أول وانـكـِـتـَـب
حيـّـوْ الشـباب المنتفض – مليون .. تگلبهه گلب
-(ثوار انتوْ للأبـد) – تطرد الساقط والنهب
خالد شعارك للأبد – يحيى الوطن .. يحيى الشعب
***
جونـَه لفـو من كل كتر– متبـريـه منهم لـَـديان
فرهود .. باگـو ثـروتـَـك – اترَمـّـلـَن نص النسوان
بالسـر كراسي وَزّعـَـو – والشعب ثـوره اوبركان
وعـدَوْ .. اعتذروْ بالچذب – طرگ الحچي والهـذيـان
-(والعامري)..عود اعتذر! – يـعـْـتـِقـد احـنـَه العـمـيان
أعمه گلب يالعـامري – عـَـنبـَـرنه ميصير ادنان
-(معصوم) تمثال انتصب – ريـّس ابـطـَـرگ العـنوان
مابيده حل اولا ربط – نايـم..شخير اوحلمان
باگو افلوسك يا شعب – انهزمو هزيم الفيران
انجيبكم .. لو بالسمه – حتى ابأقاصي البلدان
احكمتونه بالغش والدجل – باسـم الديانـَـه اوبالچذب
خالد شـِـعـارك للأبـَـد – يحيى الوطن .. يحيى الشعب
----------------
4/ آب /2018
ستوكهولم
المتواجون الان
364 زائر، ولايوجد أعضاء داخل الموقع