كـتـاب ألموقع

الى بغداد اهديها// ميسون نعيم الرومي

• 

تقييم المستخدم:  / 0

سيئجيد 

المجموعة: ميسون نعيم الرومي

تم إنشاءه بتاريخ السبت, 01 كانون1/ديسمبر 2018 18:31

كتب بواسطة: ميسون نعيم الرومي

الزيارات: 2760

ميسون نعيم الرومي

عرض صفحة الكاتبة

الى بغداد اهديها

*بمناسبة يوم الشهيد العراقي

ميسون نعيم الرومي

چم ونـَّـه چم احاه صحتي (يبغداد)-

يوم الشهيد اليوم - يوميه ينعاد

***

بالك تدوس اهناك واتفزز الموت

تدمع أرض بغداد ما نسمع الصوت

***

ماتت الخاله ابساع من كثر ونهه

(عادل) وصل ملفوف - جابوا ابنهه

***

فرحانه كلهه الناس مابيهه مضيوم

بس انتِ يا(بغداد) يوم ارده من يوم

***

نص الشباب اتموت تحمي الكراسي

والشعب يدري زين .. ماضنه ناسي

***

ام العراق اتنوح تتحنـَّـه بالدم

يطحن ولدهه الموت يسگيهه بالسم

***

اجيال انفنت بحروب رعنعه اوغبيه

صار (العـرق) اليوم كلـَّه ســبيه

***

تِچـَّـبح تجوع اطفال نصهه يتامه

والشعب يلطم دوم طرگ الملامه

***

طاح (الصنم) بالگاع گلنه خلصنه

جانه الف (صدام) طشش ضعنه

***

متروسه كلهه اگبور ارضك يلعراگ

يوم اوتخضر اورود واتحاسب الباگ

---------

الى بغداد اهديها بمناسبة يوم الشهيد العراقي المصادف في 1 / ديسمبر

----------

1/ديسمبر/2018

ســتوكهولم

• < السابق
• التالي >