كـتـاب ألموقع
اليوم ذكرى حزينه// ميسون نعيم الرومي
/ 0
- المجموعة: ميسون نعيم الرومي
- تم إنشاءه بتاريخ الأربعاء, 10 حزيران/يونيو 2020 20:27
- كتب بواسطة: ميسون نعيم الرومي
- الزيارات: 1952
ميسون نعيم الرومي
اليوم ذكرى حزينه
ميسون نعيم الرومي
ذكرى تمر اليوم .. ذكرى حزينـه
باعوا الموصل ليش .. كلنه انولينه
***
-(يالموصل) الحدباء .. تـنـزف بعدهه
يمته يصير احسـاب .. واتـرد مـَجدهه
***
الباعچ منتشي .. اوبالخضراء هالگاعد
واهلچ بالخيام اتلوع .. وينه اليساعد
***
يا موصل ام الخير .. هتكوا بناتچ
اليحكمنه ذوله اشرار.. لكوا عباتچ
***
اولادچ بالسجون اتلوع ! خلصوا عمرهم
لا محكمه اتشـكلت ليش ؟ تنظر بمرهم
***
ضليتي بـس انقـاض .. كلچ خرايـب
باگـو اثـار البيچ .. زرعـوا مصايب
***
يمته الخلاص اشلون ! انغصبت مصاير
عشعشت غربه البيك .. انهتكت حرايـر
***
بالغربه وآنـه اهـنا .. اســمع ونـينچ
بغداد العزيزه اتلوع .. ياهو اليعينچ
***
صرنه عبيد اوليش ؟ تحكمنه احزاب
دمنه جره نهران .. چا وينه لحساب ؟
***
نخلوا نـَـخـِل بغداد .. حكومة ثعابين
خيرچ صفه للجار .. وانتي تعانين
***
جيل الشباب اليوم .. بيكم أملنه
يرجع مجد بغداد .. عزه الوطنه
-------------------
10 / حزيران / 2020
ســتوكهولم
المتواجون الان
689 زائر، ولايوجد أعضاء داخل الموقع
