كـتـاب ألموقع
هلهولة فرح// ميسون نعيم الرومي
- المجموعة: ميسون نعيم الرومي
- تم إنشاءه بتاريخ الثلاثاء, 22 أيلول/سبتمبر 2020 10:25
- كتب بواسطة: ميسون نعيم الرومي
- الزيارات: 1869
ميسون نعيم الرومي
هلهولة فرح
ميسون نعيم الرومي
مثل هلهولة فرح
يتضاحكن لو مرن احديثات
اوعلى رنـْـة الحجل..
يتمايلن وكت العصر ترفات
قداح اويعط بالدرب
لو مرن احليوات
لون السنابل ع الوجه
والطول چن شمعات
والگذله خيط امن الشمس
وامطرزه ابنجمات
امن ابعيد چن زفة عرس
لو غنوة اطويرات
عفه اودلال او حسن
-(لعماره) بيچن تفتخر(ميسان) يبنيات
***
الشامه ع الوجنه ضِوَت
بالروح گمريه
ترچيه اوتلاوي الزلف
اشمحلاچ يبنيه
الشعر طايح ع المتن
والشفه ورديه
لخدود نجمات اوغفن
لوني اغلطت جوريه
اطويره حلوه امضمره
فدوه امعدله اجنوبيه
وحدتهن احزام اوللظهر حوريه
چانت الناس ابفرح
والدنيه مزهيه
نحلم ابيوم اوترد
بغداد مضويه
يمته يادنيه اوترد
بغداد مضويه
------------------
21/أيلول/2020
ســـــــــــــــــتوكهولم
المتواجون الان
411 زائر، ولايوجد أعضاء داخل الموقع