كـتـاب ألموقع
نص غنائي: شعره محابس من ذهب// ميسون نعيم الرومي
- المجموعة: ميسون نعيم الرومي
- تم إنشاءه بتاريخ الخميس, 12 تشرين2/نوفمبر 2020 18:58
- كتب بواسطة: ميسون نعيم الرومي
- الزيارات: 1934
ميسون نعيم الرومي
نص غنائي: شعره محابس من ذهب
ميسون نعيم الرومي
شـَـعـْرَه محابس من ذهب
تــتعـثر ابوصفه جمل
خصلات بيه امن الشمس
دارت على بـَـدْر اكـتمل
***
معگوده لحواجب عگـد
واعـيونه تـرمي بالنبل
نجمات بخدوده ضوت
والورد من شافه خجل
***
غـَـنـَّـت بلابل غردت
حسنه قوافي اوهم جمل
بسـوالفه يحچي الگـمر
وجهه الربـيـع البيه امَـل
***
مغرور من يمشي دلع
ماخذ حلاته امن العسل
عـيونه بـَحـَـر ما ينحزر
رمْشـَـه يكـَحـّـل بالكحل
***
بشفافه گنطار او رطب
چا بس اله يحله الغزل
كـل الشعـِـر لايگ اله
حـر اوقـَـريض اويازجـل
***
ع الشفه تقره اروايته
العمر بچفـوفه ذبـل
احچاياته ضيعها الهوى
والدمع بالذكرى همل
***
عيون المها عيون الولف
والليل.. شعره اعله الچتف
يتمايل اويمشي ابغنچ
شوصف..أبد ما ينوصف
***
جيت اسـأله فـَـز اونفـَـر
بسكوت يخزرني اورحل
آنه اگربت ردت اسـأله
هذا دلال البيه..لو طبعه الخجل؟
------------
11/ نوفمبر/2020
سـتوكهولم
المتواجون الان
247 زائر، ولايوجد أعضاء داخل الموقع