كـتـاب ألموقع
جيشنه الباسل// ميسون نعيم الرومي
- المجموعة: ميسون نعيم الرومي
- تم إنشاءه بتاريخ الأحد, 10 كانون2/يناير 2021 19:32
- كتب بواسطة: ميسون نعيم الرومي
- الزيارات: 1747
ميسون نعيم الرومي
جيشنه الباسل
ميسون نعيم الرومي
بمناسبة الذكرى المئوية لتأسيس الجيش العراقي الباسل
اهدي قصيدتي لأبنائه الشجعان
يا جيش العراقي جيشنه الباسل - ابو(خليل) البطل يا سور.. لبلادي
عمرك بالسنين (الميـّه) صار اليوم – يا جيش الصمود اوجيش اجدادي
تاريخك شـهد يا درة التاريخ – يا حامي الوطن سهله وجبل ! وادي
يا جيش العراق
***
يا جيش الشعب يا جيشنه الغالي - يا رمز الوَطـَـنـَّه اوفرحة اعيادي
يبو الغيره اوشهم يالكلك امروّه – يا حامي العراق اوفخر بغدادي
أفراد اومراتب قاده كلهه ابطال – أخي*(عدنان) يبقه الرمز لولادي
يا جيش العراق
***
ابذاك الزمن.. الأسّـسوك امجاد – مصلحة الوطن مابيهه احقادي
يا جيش العراق الچان فوگ الفوگ – سيد منطقه اومعدود اعدادي
من حرب الحرب زجوك متقصدين – يــْـوَدّوكْ ابخبث ! رادوك تنقادي
يا جيش العراق
***
يا هيبة وطن واتهابك الجارات – سيف انت اورمح عَ الباغي والبادي
وابحكم الزلم..انت رفيع الشان – مـْو حكم الرعاع اوحكم (الـِمجادي)-
لملوم الإجوْ .. لـَگـّامَه أميـّـين – إيد ابإيد حـَطـّـوْ ..هـُمـَّه اضدادي
يا جيش العراق
***
حكـّام الصِدف (سـَـقـْطِ الـْمـِتاع) اوغاد – تعذيب اوقتل اغلال واصفادي
والغايات هذا اليوم مكشوفات – موالين اجنبي.. امـْنِ الجاره ! ينقادي
يا فـَخـْر العراق ! الشعب يترجـّاك – (تـِـعـَـلـّي هامـِتـَـك) واتحرّر ابلادي
يا جيش العراق
يا جيش العراق
---------------------
*(عدنان):- شقيقي الرائد عدنان نعيم الرومي احد ابطال جيشنا الباسل
------------------
6 / كانون الثاني / 2021
المتواجون الان
245 زائر، ولايوجد أعضاء داخل الموقع