كـتـاب ألموقع

دووو بيت..- إلوَّلَد// زهير كاطع الحسيني

• 

تقييم المستخدم:  / 0

سيئجيد 

المجموعة: زهير كاطع الحسيني

تم إنشاءه بتاريخ الثلاثاء, 09 تشرين1/أكتوير 2018 10:07

كتب بواسطة: زهير كاطع الحسيني

الزيارات: 2435

زهير كاطع الحسيني

عرض صفحة الكاتب

دووو بيت..- إلوَّلَد

زهير كاطع الحسيني

رَبيت الوَلد وإنطيته للعوبه

جيه مالي بخت يشمرني جن طوبه

حاجيته بلطف رأسا ً شلخ ثوبه

ما يخجل بعد .. حَسباته دونيه!

  *   *

دلّلت الوَلد وعلمته يتبعني

ما دمت بنعيم هَم باقي يطلبني

ولمّن عوزت إلكَيته تاركني

ما ينفع دلال .. ترباته توثيه!

  *   *

تمرّض الوَلد وبكَلبي داويته

للهِند البعيد مِن جيبي وديته

وجيه هو العزيز مَنطاني وإنطيته

يحاسبني على الدينار والخُرده !

  *   *

مِن عمري على عُمر الوَلد خَليت

لا يوم الغِبت عنّه ولا تخليت

سكنّته بقصر مِن إيدي وأنا إبيت

تاليها .. رُفع إيده علي َّ!

زهير كاطع الحسيني

• < السابق
• التالي >