كـتـاب ألموقع

دوو بيت.. ذكرى إستشهاد الإمام الكاظم// زهير كاطع الحسيني

• 

تقييم المستخدم:  / 1

سيئجيد 

المجموعة: زهير كاطع الحسيني

تم إنشاءه بتاريخ السبت, 21 آذار/مارس 2020 10:52

كتب بواسطة: زهير كاطع الحسيني

الزيارات: 1603

زهير كاطع الحسيني

عرض صفحة الكاتب 

دوو بيت.. ذكرى إستشهاد الإمام الكاظم

زهير كاطع الحسيني

------------- 1

أريد أطرق أنا البيبان مهموم

وأنزع غترتي وأدرع الهدوم

كاتلني القهر ما بييه لو كوم

مريض آني على باب الحوايج

------------ 2

يوميه بفخر أبعث سلامي

أرفع هامتي يردلي سلامي

أسد بغداد هذا مو سونامي

إمكابل قبته صُبح ومسيّه

------------- 3

أسلّم عَ القبب وأرفع اﻹيدين

وأصلي بحضرته هذا أبو جوادين

إمراد إطلبت ما كَلي بَعدين

بالحال وعَجل حقق مُرادي

-------------- 4

مِن البيت أنا تعنيت إمامي

مِشيت وبالمشي صِرت اﻷمامي

بَس واحد أنا شايف أمامي

ابو جعفر غايتي ومطلب سؤالي

------------- 5

أريد أطلب انا الميزان طُلبه

وأحكم بالعدل ويّ أبو طِلّبه

جثيره بالسجن طال بيها طَلبه

وين أهل الشَرع وأهل المروّه ؟

------------- 6

ريت وكل مِسا أكَعد حضِرته

وأطلّع إكتاب وأقره عن حضَرته

صديقي الكاظم وﻻ تظن حِظرته

تراني كل وكِت أقره كِتابه

-------------- 7

إمامي أنا موسى وأفاخر

كرامات وعزم كله ومفاخر

ما أحد مثل جدي وفاااا آخر

راهِب بالسِجن صاحِب قضيه

ـــــــــــــــــــــ   8

مَناير مِن ذهَب والناس سِدها

زوار وإجت تقصد أسَدها

باتت للصبح حُبها وِسَدها

على دروب وشوارع تلتكَيها

------------- 9

شكرا للزَحَف طيّب اﻹزار

شكرا للأحِبه الخدمو إلزار

شكرا للأهالي لِبسو إزار

قامو بالطبخ وإنطو ثوابات

    ــــــــــــــــــــ 10

للكاظم أنا إمشيت رايح

أمشي عَ الجدم والجدم طايح

أصيحن زاير وينفع الصايح

شالوني على الأكتاف كلهم

---------------

زهير كاطع الحسيني

• < السابق
• التالي >