شعر: باسل شامايا

 مساهمات اخرى للكاتب

برشونا

خأديو رحقلوخ وبرشلوخ منن بنخريوثا  

لبوخ كليل واينوخ جملي بمريـــــــــروثا

كذ لوخل أو زربانا دمرءوخ قشيــــــــــا

دمدئخ فندوخ ومبدل بهرا روزل موثــــا

                  *****

يا هلانـــــا مليــــــــا بير تا مردوثــــــــا

هولوخ صورا كما طيمانا تا ناشوثـــــــا

زلوخ زهيا ودخلا اموخ كل بصخوثـــــا

دبيثوخ وناشوخ قطبلي بيروخ بأميثوثـا

                  *****

كو دوخرانوخ بابد عيسى حشا لوشلـــن

كثولن محرا ومملا طاوا بشموخ هوللــن

لكناشخلوخ ماقــــد رحقت بريشا منـــــن

يا عزيزا برونــــــد ماثا القوش يمـــــــن

                 ***** 

شتيلوخ منّح مايد حوبا من زوروثـــــــا

  كملبالوخ دكمرت بطوتا ومكيخوثــــــــــا

ودكثوت محرا ومشوحياثا تا حيروثــــــا 

ولوشت حوبا آيت شورا وآين عليما بكشيروثا

                *****

صهيا كثولوخ بدمئد اينوخ وتخملياثوخ

مملا كذيلا مسوقلا بحوبا مكوياثــــــوخ

تا بني عما وأثرا عيقا وكل نشواثــــوخ

وبخرثا وشلا أي قلاموخ وتنياثــــــــوخ

امد حشا وامد موثــــــا وقشيا زونـــــا

قنيوخ كثول توير صهوا بكو نسيونــــا

تا كشير شينا رشملوخ كو تخرونـــــــا

شمد اثرا وعما بريخا دلا نشيونـــــــــا

               *****

كاس دحشا كماشتتي بكــــو غربوثــــا

تاما بشيروخ وكمشاقلوخ منن موثــــا

كما جونجارا دبرشت سنيقا لشوتابوثـا

كبينا وصهيا يا حبيوا لطوثانوثــــــــــا

                *****

قاي كنيلوخ كو غربوثا يا صويانـــــــا

سنيق وخوا لمشوحياثوخ تا يورثانـــا

لأيكا رحقلوخ منن وزلوخ يا طنانــــــا

شوقلوخ شوبا بريشا كيبن ول بورقانا

                *****

لأيكا زلوخ شويقا سرط دلا كثوثـــــــا

بتخملياثوخ مالتوالي من زهيوثـــــــــا

قاي لا كليل زونا دراحق منوخ موثــا 

كميوا قشيا كادوخ كوما عالبيثوثــــــا

              *****

تودي كويلا كو ايقارا تا ماحــــــــورا

دزلّ شويقا خا تخرونا طالن خـــــورا

مملا ومحرا ومشوحياثا كثيو بنوهـرا

دايم بتخرخ كشيروثوخ زقرتا بصورا 

             ***** 

ناشد أثرا والقش يما تودي رامـــــــــــا

بآذي تفقتا كو دوخرانا درَذيَن رابــــــــا

بسما كياند بيثايوثا وكل حبيو آخا وتاما

لشوتابوثا من شورايا ول خوتامــــــــــا