أبن الشعب

الى الزعيم الشهيد عبد الكريم قاسم

يا دجلة الخير طيبج من ضفافج دار

أخت الجنان وحوَت ياقوت فُضة ودار

عونه النزَل ساحلِج لو سكن بيج أبدار

جوهرة تاج الوطن رَب البَشر قاسم

عبد الكريم أنجبت أبحب الشعب قاسم

ما يوم أكل خبزته ويّ الشعب قاسم

نسجوا أبحبه عجب نُص الكمر خلتَه

ما حابه أخت وأخو كل الشعب خلته

بالغدر دار الزمن  اليومك تظل خلته

مالكو لوله أله بس هاي أله لولَه

بعيونه نام الوطن وبالطيب أله لوله

يتفاخر أعله المجد المجد الأصل لوأله

كَرْمُوه أبن الشعب منطقها بعده لحَد

أبطول السنين المضن وبسيف ثاره لحد

خميت كل الوطن لا دار أله ولا لحد

الخيرعكبه أنجفه أشتات صرنه وشُعب

يبجيه دم الوطن وكلب اليحبه شَعب

يهتف كبل غدرتَه ويصيح يحيا الشعب

ميعوف حبه الشعب لو ألف عام الدار